Rom Teik pasi Pol hani teka kahikahi Jises Krais ti Rom 4:11 - Seimat

¹¹ Tenen kikilam ien ti Abraham uke se kolakol ka hoi liai namilon xoxoan ti Haeu ma tin i sawisawin ti puli Haeu imat ti i aile tenen saun ien. Aile ape Abraham i sohot tame hatesol seilon laha soh ti Haeu hanowi i, kalak laha tap kikilam tenen ien. Wasolalaha hani kapi Haeu i sawi nake ti xoxoi namilolaha tetan.

Rom Teik pasi Pol hani teka kahikahi Jises Krais ti Rom 4:11 Referans Kwoze

Rom Teik pasi Pol hani teka kahikahi Jises Krais ti Rom 3:22

Haeu namiloi ukek wasole seilon hani kapin i sawi na namilokaha xoxoan ti *Jises Krais. Haeu hei tewau aweisal ien hani hatesol teka laha soh ti Jises Krais, teka Ju ma teka kumahe Ju. I kum nam nenexi na tel.

Luk Meng solian ti Jises tataiai Luk 19:9

Jises kakane i ukek, “Aope ie Haeu oxoxi o ma teka leili ingam ti kawatan ti lialui woumuto nake o hina namil xoxoan hani Haeu masin *Abraham, tel tamakako ti matahaun.

Hibru 11:7

Xoxoi namili *Noa ti Haeu, i hong usi kakaian ape i aile tea waian lalap lehe i, axoan ma natun lato kum lialu taun ti kan hutomi lawe xux. I soh ka i sohot kalak i tai sosohot ti imat. Ti aweisal tewau ien i kola lialui woi teka seilon ti tehu pon ie nake laha tahi kakai Haeu ape laha lialu tamus. Haeu paxai ukek Noa seilon sawisawin nake namilon xoxoan tetan.

2 Korin 1:22

Haeu oteiwen kako seilon tetan. I hani *Holi Spirit neiniakako. Pupuase Holi Spirit leilokako i kola ka waliko ti Haeu kakawen i aile hani kako, i sohot poponowi.

Pilipai 3:9

Haeu namiloi ukek nga seilon sawisawin kumahe nake nga usi hahatapo nauna ma saun ti teka Ju tuahe nake ti xoxoi namilok ti Krais. Haeu namiloi ukek wasolakako hani kapin i sawi mewenae na kako soh hawane ti Krais.

Epesus 4:30

Kum ailele waliko tenen i hatahanea Holi Spirit ti Haeu. Haeu hani amuto Holi Spirit ti kikilam ka amuto tetan wanen. Ape i pupuas leilomuto atengi tataen ti Haeu oxoxi tamusuke amuto ti lawe waliko lialun.

Epesus 1:13

Ape aope ie tin amuto teka kumahe Ju hongoen kakain salan, tenen *meng solian ti sale Jises Krais awai amuto ti kawatan ti lialui woumuto. Tataen ti amuto hong sohoa ti Krais, Haeu hani amuto *Holi Spirit masin ti i kakawen. I kilami ka amuto seilon tetan.

Galasia 6:16

Teteka laha aile ukek ien, Haeu tahane ma huali laha ape i hatona hasolia tialaha. Teteka seilon ien laha salan seilon tetan wanen.

Galasia 5:5

Tuahe teteka kako hani *Holi Spirit kapitiakako, kako mon hahawane ka wasolakako ma Haeu i sawi na kako hana hatapo xoxoi namilokako hani Jises Krais.

Galasia 3:29

Na amuto seilon ti Krais, amuto salan wanen kahi nati Abraham ape amuto uke waliko ti Haeu kakawen i hani Abraham.

Galasia 3:22

Tuahe ti he pepai Haeu i ukek ka hatesol seilon laha unaui saun lialun. Aile ape seilon uke *tonain kapi Haeu ti tap tahi tapoan na laha hana xoxoi namilolaha hani Jises Krais.

Galasia 3:7

Aile ape amuto tioiwa ka nati Abraham wanen teteka seilon laha hina namil xoxoan ti Haeu.

Rom Teik pasi Pol hani teka kahikahi Jises Krais ti Rom 10:11

Masin ti leili pepai Haeu i ukek, “Tel na i soh tetan tap wanen i po hienake.” (Isa 28:16)

Rom Teik pasi Pol hani teka kahikahi Jises Krais ti Rom 10:6

Tuahe teka wasolalaha hani kapi Haeu sawiwen nake ti xoxoi namilolaha ti Jises Krais, pon laha kak hanowi ti leili pepai Haeu i ukek, “Kalahai lehe kaha ku hani *tone Haeu?” (Deut 30:13) Teik kakain ien kaxi ka tap pupuase namil ti waxi hamosui *Krais lehe i huali tuhi kaha.

Rom Teik pasi Pol hani teka kahikahi Jises Krais ti Rom 10:4

Teka Ju eliliel tutuen usiai *nauna ti Moses lehe waxi Haeu paxai ukek laha sawisawin. Tuahe Jises Krais hatapo tamusukewen tenen aweisal ien. Ape hatesol teka namilolaha xoxoan tetan, wasolalaha hani kapi Haeu i sawi.

Jon Meng solian ti Jises tataiai Jon 6:35

Jises kak pahoi laha, “Nga se an wanen ti haniai seilon tonain kapi Haeu ti tap tahi tapoan. Tap tel i hitol ulea ma pahan is ulea i un na namilon xoxoan tetak.

Hahatakei Haeu 9:4

Haeu halini laha ti aile halialui pahoah, pata tenen tenen ma lawe waliko ti i xexex he hepekeun. Laha aile halialu mewenae teteka seilon tap kikilam ti Haeu he kawalaha.

2 Pita 1:1

Teik pas ie tataiak nga Saimon Pita, tel *aposel ma unaui *Jises Krais. Nga tai hani amuto teka hina namil xoxoan ti Jises Krais hanowi amite tesol aposel. Jises Krais tel Haeu ti kako ma awaiakako ti kawatan ti saun lialun, i hanamiloa kako ape kako soh tetan nake i tel sawisawin tapein.

Rom Teik pasi Pol hani teka kahikahi Jises Krais ti Rom 9:30

Kaie ape kako namiloi ukek ia? Teka kumahe Ju, wasolalaha hani kapi Haeu i sawi nake ti xoxoi namilolaha ti Jises Krais, kalak laha tai puas eliel ti hasawian.

Rom Teik pasi Pol hani teka kahikahi Jises Krais ti Rom 9:6

Tuahe kilan teka Ju laha kum soh ti Jises Krais. Kalak masin ien, kumahe ka waliko solian ti Haeu kakawen i aile hani *Abraham ma teka nakuama tetan i kum sohot poponowi. Salangawan masin. Kumahe hatesol teka laha nakuama ti Abraham laha nati Haeu wanen.

Rom Teik pasi Pol hani teka kahikahi Jises Krais ti Rom 3:26

Aope ie saun lialun ti kaha ape kahuian. I kola hawane ka waliko ti Haeu aile se pate sawisawin. I kola ka puki i se pate sawisawin ma i aile kaha teka hina namil xoxoan ti Jises Krais wasolakaha kapin i sawi.

Jon Meng solian ti Jises tataiai Jon 8:33

Seilon teka kak pahoi Jises, “Amite kahi nati Abraham ma tap wanen amite po to unaui tenen na waliko. Kalahai o kak ukek ien?”

Jon Meng solian ti Jises tataiai Jon 6:47

“Nga kakane hawane amuto, tel na namilon xoxoan tetak, hoi liai i to kapi Haeu lian tehue.

Jon Meng solian ti Jises tataiai Jon 6:40

Ie namili tel Tamak Haeu ka lawe seilon paxai tioiwa ka nga se tel Natun ma tin laha soh hawanewa tetak lehe laha uke tonain kapin ti tap tahi tapoan ape nga hamoiha aliake laha ti ngain tetehu ti hinitiai lawe seilon.”

Jon Meng solian ti Jises tataiai Jon 3:36

Tel na namilon xoxoan ti tel Nati Haeu, i uke tonain kapin ti tap tahi tapoan. Tuahe tel na i tale tehiton hani tel Nati Haeu, tap wanen i uke tonain ien. I hamalum hahitake lengei Haeu.”

Matiu 16:16

Saimon Pita ukek, “O Krais, tel Nati Haeu. Haeu tel tap tahi matean!”

Matiu 8:11

Nga kakane hawane amuto, ngain telao ti Haeu hiniti hatesol seilon, kilan laha ahuma xux tesol tesol ape to kapi *Abraham, Aisak ma *Jekop ti tehu angiain lalap Haeu apepeseni leili tonan.

Rom Teik pasi Pol hani teka kahikahi Jises Krais ti Rom 9:33

Masin ti pepai Haeu kakawen sale Jises Krais i ukek, “Nga hatuhi tehu kuku pate tuah leili Jerusalem. Tehu kuku ien laha tanga put. Tuahe teka seilon laha soh tetan tap wanen laha po namiloi tahane aliake.” (Isa 8:14, 28:16)

Jon Meng solian ti Jises tataiai Jon 3:33

Tel na i hong soh kakaian i kola haxewa ka kakai Haeu pate salan.

Rom Teik pasi Pol hani teka kahikahi Jises Krais ti Rom 3:30

Pate amuto tioi ka Haeu se telawe ape tin aweisal tewawawe ti hasawiai wasolakaha hani kapin. Aile ape mewenae ti xoxoi namil ti Jises Krais wasolakaha hani kapi Haeu i sawi, kako teka hina kikilam ti kotiai uli walikoukako ma teka kumahe Ju laha tap kikilam tenen ien.

Rom Teik pasi Pol hani teka kahikahi Jises Krais ti Rom 4:10

Namiloi paxaiwa. Lokon wanen wasolalalu i soli? Nakon i sohot muhin ti Abraham uke kikilam tenen ien ka imat? Kumahe muhin, wasolalalu i soli imat ti ukei kikilam ien.