Rom Teik pasi Pol hani teka kahikahi Jises Krais ti Rom 3:3 - Seimat

³ Salan hina teka laha xaputi *namil ti Haeu xinotiwen kapi laha. Tuahe kalak na masin ien, nakon Haeu kum hamalumini tewaok tetan?

Rom Teik pasi Pol hani teka kahikahi Jises Krais ti Rom 3:3 Referans Kwoze

2 Timoti 2:13

Na kako tale tehitokako hani nauna tetan, i hamalum kapita ti nauna ien nake i kum puluti aliliake i.

Hibru 4:2

Kako tin kako hongoen *meng solian ti Haeu hanowi teka seilon lokon ti *Moses. Tuahe i kum aile uke tenen na solian hani laha nake laha kapaxe Haeu.

Rom Teik pasi Pol hani teka kahikahi Jises Krais ti Rom 9:6

Tuahe kilan teka Ju laha kum soh ti Jises Krais. Kalak masin ien, kumahe ka waliko solian ti Haeu kakawen i aile hani *Abraham ma teka nakuama tetan i kum sohot poponowi. Salangawan masin. Kumahe hatesol teka laha nakuama ti Abraham laha nati Haeu wanen.

2 Tesalonika 1:3

Tesol akikimite ti Jises Krais, lawe mewenae amite kak kemulik hani Haeu ti amuto hatesol nake liai pupuasamite. Pate solian ti amite aile ukek ien nake xoxoi namilomuto ti *Krais ma wawahen ti amuto tel tel i to xox tatalele.

Rom Teik pasi Pol hani teka kahikahi Jises Krais ti Rom 10:16

Tuahe kumahe hatesol teka Ju laha hong waxi meng solian ti Jises Krais. Laha masin teteka ti Aisaia tai kaxiwen ukek, “Haeu tel Masiwi, palaiai teteka laha hong soh mengom ti amite kakaxi.” (Isa 53:1)

2 Korin 3:18

Hanowi ka Haeu xaxaweniwen waliko ti i hatiloko namilokako ape kako paxai tioi lalape soliai Jises Krais tel Masiwi. Ti pohe Holi Spirit, kako sohia ahe tatale ti sohot hanowi Jises Krais. Ape ti sohiaiakako, seilon liai paxai tioi ka Jises Krais se tetel tuah tapein.

Matiu 24:35

Maun ma xux ti aope i tapo tamus tuahe kakaiak hamalum lian tehue.

Rom Teik pasi Pol hani teka kahikahi Jises Krais ti Rom 11:29

Nga kak ukek nake Haeu kum namiloi tahane aliake ti i kilami ma hapohea seilon ailei puasan.

Jon Meng solian ti Jises tataiai Jon 1:16

Ti lalape soliaian i to aile hasolia hawane hahani kaha.