Rom Teik pasi Pol hani teka kahikahi Jises Krais ti Rom 16:15 - Seimat

¹⁵ Amuam tetak tin haniwa Filologus, Julia, Olimpas, Nereus, tel tuan ma hatesol kahikahi Krais kapi lato.

Rom Teik pasi Pol hani teka kahikahi Jises Krais ti Rom 16:15 Referans Kwoze

Rom Teik pasi Pol hani teka kahikahi Jises Krais ti Rom 16:2

I unaui *Jises tel Masiwi masin kako. Amuto waxi auniwa i usiwa saun ti kako teka seilon ti Haeu. I huali hakilawen seilon hetekie puki nga ape tin amuto hualiwa i ti tenen na i tae.

Rom Teik pasi Pol hani teka kahikahi Jises Krais ti Rom 1:7

Aile ape nga tai hani amuto hatesol teka *Rom ti Haeu waheni, teteka i kilami seilon tetan ape amuto hani hahatapo i tupuamuto. Nga kamei Haeu tel Tamakako ma tel Masiwi Jises Krais kolai lalape soliaialalu ma hatona hasoliai tiamuto.

1 Pita 1:2

Ti imat wanen hoi tel Tamakako Haeu namiloiwen ka i kilami amuto seilon tetan. *Holi Spirit aile, ape amuto hani hatapo Haeu tupuamuto. Aile ape Jises Krais nuhi hauni amuto ti lialui woumuto nake i mat hualiamuto. Ape amuto pon usiai kakaian. Nga kamei Haeu aile kola hawanei lalape soliaian hani amuto hetekie hatona hasoliai tiamuto.

Epesus 1:1

Nga Pol tel *aposel ti *Jises Krais ti puki namili Haeu. Teik pas ie hani amuto teka *kahikahi Jises Krais ti Epesus, teka amuto hana hatapo tupuamuto ailei puase Haeu. Amuto unaui *Krais wanen.

Rom Teik pasi Pol hani teka kahikahi Jises Krais ti Rom 16:14

Amuam haniwa Asinkiritus, Flegon, Hermes, Patrobas, Hermas ma teka kahikahi Krais kapi lato.

Matiu 5:47

Na amuto kakak mewenae kapi teka lawamuto, kalahai lehe Haeu kahui hasolia amuto? Kalak taen laha kum tioi Haeu laha ailele saun tenen ien.

Aposel 9:13

Ananaias kak pahoi i ukek, “Tel Masiwi, nga hong kilan seilon tau kakaxi tel seilon ien ka lawe i aile halialu teka wawan ma hehin tetam ti Jerusalem.