Pilemon 1:4 - Seimat

^4-5 Pilemon, tapai na nga lotu huali o, nga kak kemulik hani Haeu tel Masiwi tetak nake nga to hongohong xoxoi namilom ti Jises tel Masiwi ma wawahen tetam hani hatesol seilon ti Haeu.

Pilemon 1:4 Referans Kwoze

Rom Teik pasi Pol hani teka kahikahi Jises Krais ti Rom 1:8

Hutuiai kakaiak nga kak kemulik hani Haeu tel Masiwi ti kako ti lawe waliko Jises Krais aile haniwen amuto. Nga kak kemulik nake ti tesol tesol seilon kakaxi sale xoxoi namilomuto ti Jises Krais.

Epesus 1:16

Nga kak kemulik tatale hani Haeu nakemuto. Tapai na nga lotu, nga lotu huali amuto.

2 Timoti 1:3

Ngain ma ipong ti na nga lotu, nga nameni o ma kak kemulik hani Haeu ti xoxoi namilom tetan. I tetel nga ailele pupuasan ti leili atek masin ti teka seilon tetan ti matahaun.

2 Tesalonika 1:3

Tesol akikimite ti Jises Krais, lawe mewenae amite kak kemulik hani Haeu ti amuto hatesol nake liai pupuasamite. Pate solian ti amite aile ukek ien nake xoxoi namilomuto ti *Krais ma wawahen ti amuto tel tel i to xox tatalele.

1 Tesalonika 1:2

Tapai na amite lotu huali amuto, lawe amite kak kemulik hani Haeu ti amuto hatesol.

Kolosi 1:3

Ti amite teka kahikahi Krais lotu huali amuto, lawe amite kak kemulik hani Haeu ti amuto hatesol. I tel Tame Jises Krais tel Masiwi ti kako.

Pilipai 1:3

Na nga namiloiwa amuto, lawe nga kak kemulik hani Haeu tel Masiwi tetak.