Mak Meng solian ti Jises tataiai Mak 9:25 - Seimat

²⁵ Ti Jises ningahiwa ka teka seilon to kila aheahema, i tumei spirit lialun ti hasutui taxing ma siponiai au, i ukek, “Nga hone o, ahutawa ti tel akaik. O taha xaxau hawanewa! Kum soh ulelea hani i.”

Mak Meng solian ti Jises tataiai Mak 9:25 Referans Kwoze

Aposel 16:18

Kilan ngain i aile saun tin tetenen ape Pol lon manomano. I tohea paxai tel hehin ape i kakane tel spirit lialun leilon i ukek, “Ti poh Jises haniwen nga, nga hone o ahutawa ti tel hehin ie.” Tataen ien wanen tel spirit lialun ahuta salili i.

Luk Meng solian ti Jises tataiai Luk 9:42

Ti tel akaik nahih xohi haniwa kapi Jises, spirit lialun aile haputa hahaxexe i. Tuahe Jises usi xaxaweni spirit lialun ien ape i haewia tel akaik. Muhin ien i aliake tel akaik hani tel taman.

Mak Meng solian ti Jises tataiai Mak 9:15

Ti teka seilon ningahiwa Jises, pate laha ongake ape kiliwau tengeni amuke i.

Matiu 17:18

Ape Jises tumei xaxaweni spirit lialun ti i aile hahalialu tel akaik. Tataen ien wanen i ewi.

Jud Nauna ti Jud hani teka kahikahi Jises Krais 1:9

Tuahe Maikel, tel engel pate tuah ti Haeu, i kum kak halialu *Satan ti Satan pahan i waxi tupui *Moses. I tua ukek, “Puki Haeu tel Masiwi tumeam.”

Luk Meng solian ti Jises tataiai Luk 11:14

Ngain tehu Jises apatuini tel seilon i kum kak uke nake spirit lialun kapiti halialu i. Ti Jises xaxaweniwa spirit lialun leili tel seilon ien, ape i kak uke. Ti teka seilon ien ningahiwa laha ongake hawane.

Luk Meng solian ti Jises tataiai Luk 8:29

I kak ukek nake Jises kakanewen spirit lialun ien ka i ahuta xaxaua ti tel seilon. Kemuk spirit lialun ien kapiti halialu hakilawen i. Kalak na laha peteni tel seilon ien ma xinoti kongini minan ma aen ani sen, i xaputi uke. Ape spirit lialun kapiti hakiliwawa i hani he lohong.

Luk Meng solian ti Jises tataiai Luk 4:41

Teka ti laha spirit lialun kapiti hahalialu. Kakai Jises tehue ape spirit lialun ox ahuta titilol, “O tel Nati Haeu!” Jises watakai teka spirit lialun kaxi hani teka seilon ka i Krais, aile ape i halini na lato kaxi.

Luk Meng solian ti Jises tataiai Luk 4:35

Jises tumei spirit lialun ukek, “Minginiwa awam ape ahuta xaxaua ti tel seilon ie!” Spirit lialun towi xoini tel seilon hani itan ti puli lawe seilon tuahe i tai mange. Ape spirit lialun ahuta salili i.

Matiu 12:22

Teka seilon hakahita hani Jises tel seilon pulaxa ma i kum kak uke nake *spirit lialun kapiti halialu i. Jises aile haewia tel seilon ape i pon kak ma paxapax.

Mak Meng solian ti Jises tataiai Mak 9:24

Tel tame tel akaik tilol eliel ukek, “Teik kokole namilok xoxoan tuahe i kum tapai. Hualima nga lehe nga uke aheke!”

Mak Meng solian ti Jises tataiai Mak 9:26

Spirit lialun ausisini. I hahaxexe tel akaik ape i sohot ahuta tetan. Lawe seilon sokok tel akaik mat tamusuen nake tanoman masin ka maten.