Mak Meng solian ti Jises tataiai Mak 9:17 - Seimat

¹⁷ Tel seilon ti leilolaha ukek, “Tel masiwi, nga nahike hanima o tel natuk wawan. Spirit lialun kapiti halialu ape i kum kak uke.

Mak Meng solian ti Jises tataiai Mak 9:17 Referans Kwoze

Luk Meng solian ti Jises tataiai Luk 11:14

Ngain tehu Jises apatuini tel seilon i kum kak uke nake spirit lialun kapiti halialu i. Ti Jises xaxaweniwa spirit lialun leili tel seilon ien, ape i kak uke. Ti teka seilon ien ningahiwa laha ongake hawane.

Mak Meng solian ti Jises tataiai Mak 9:25

Ti Jises ningahiwa ka teka seilon to kila aheahema, i tumei spirit lialun ti hasutui taxing ma siponiai au, i ukek, “Nga hone o, ahutawa ti tel akaik. O taha xaxau hawanewa! Kum soh ulelea hani i.”

Jon Meng solian ti Jises tataiai Jon 4:47

Ti tel seilon ien hongoa ka Jises luawen ien ti Judia, i lua kamei eliel Jises haewiai tel natun sikole i mat.

Luk Meng solian ti Jises tataiai Luk 9:38

Tel ti laha tiloa, “Tel masiwi, nga kamei eliel o tahanema tel natuk wawan, natuk se telawe ien!

Mak Meng solian ti Jises tataiai Mak 10:13

Telao teka seilon hakahita teka akaik kokol hani kapi Jises lehe i lotu huali lato tuahe tesol kahikahin kahiloloi laha.

Mak Meng solian ti Jises tataiai Mak 7:26

Tel hehin ien i kumahe Ju, i hehin Grik, i takah Penisia taon ti Siria. Pahan wanen Jises xaxaweniwa spirit lialun ti leili tel natun.

Mak Meng solian ti Jises tataiai Mak 5:23

I kamei eliel Jises, “Tel natuk hehin pate tinun sikole i mat. O nati kahitima nga ape hanawa minam patul tetan lehe i ewi!”

Matiu 17:15

I ukek, “Tel masiwi, tahanema tel natuk! Pate i lamani moloan ape i taxitaxia. Hina lawe i put hani leili kan ma he ah.

Matiu 12:22

Teka seilon hakahita hani Jises tel seilon pulaxa ma i kum kak uke nake *spirit lialun kapiti halialu i. Jises aile haewia tel seilon ape i pon kak ma paxapax.

Matiu 9:32

Ti lalu nahih saliliwa Jises, laha hakahita hani kapin tel seilon i kum kak uke nake *spirit lialun kapiti halialu i.

Mak Meng solian ti Jises tataiai Mak 9:16

Jises kamei tesol kahikahin, “Amuto kak hapatapat waliko la?”

Mak Meng solian ti Jises tataiai Mak 9:18

Lawe na spirit soh haniwa tel natuk, i haputa i hani he hepekeun. Pok sal he awan, i hahakiki nisun ape tupuan tua wakowako. Nga kamei tesol kahikahim ti xaxaweniai spirit lialun tuahe lato kum pon.”