Mak Meng solian ti Jises tataiai Mak 7:22 - Seimat

²² saun ti halepean, saun ti halialui seilon liai, puputa, tap saun ti hienain, wiwilik, mimisah, hanasanas ma tua aile lalolal waliko.

Mak Meng solian ti Jises tataiai Mak 7:22 Referans Kwoze

Matiu 20:15

Nakon lialun na nga hapuasa moniuk usi tenen ti pahak? Nakon amuto lengeini nga nake nga ongawi hani teka seilon liai ape nga hani laha pamu i akulai lapan ti namilomuto?’ ”

1 Pita 5:5

Teka wawan uluha, hong usiwa kakai teka masiwi ti amuto. Ape amuto hatesol kahikahi Krais, ti amuto ailele puasain tenen tenen, lawe paxai tioiwa ka seilon liai pate tuah. Ti leili pepai Haeu i ukek, “Haeu lawe i teheni teka seilon laha haxawa aliake laha, ape lawe i aile kola soliaian hani teka laha paxai tioi ka seilon liai pate tuah.” (Prov 3:34)

1 Pita 2:15

Haeu pahan amuto ailewa saun solian lehe seilon tenen tap namilolaha ma anesoalaha ti Haeu, laha monga kak halialuamuto.

2 Korin 10:5

Ti aweisal tewau ien amite xoini hatapo teka laha pahoxai kakai Haeu. Ti seilon hanasanasake laha ma eliliel siainiai teka liai ti tioiai Haeu, amite kola hawane ka laha kumahe wanen salan. Tin amite waxaini itiniai namili seilon lehe laha usi aweisali Krais.

Matiu 6:23

Tuahe na namilomuto lialun, amuto xuhai tilokoan ti saun lialun. Ien masin ka kamaiamuto i peh ape amuto leili lalape tilokoan.

Mak Meng solian ti Jises tataiai Mak 7:21

Waliko lialun ti i ahutama leili seilon se tetesol: namil lialun, saun lialun ti wawan hehin, xuxuina, na ulini ape telei seilon, xuinai axoi seilon liai,

Mak Meng solian ti Jises tataiai Mak 7:23

Haeu ukek tesol waliko lialun ien i ahutama leili seilon ape aile haloloa i.”