Mak Meng solian ti Jises tataiai Mak 6:14 - Seimat

¹⁴ *Herod tel masiwi ti Galili i hong ka axe Jises sawat hani tesol tesol. Hina seilon laha soh ukek Jon Baptis moih aliawen nake laha paxai ka Jises hina poh tenen seilon kum pon hasohotuan.

Mak Meng solian ti Jises tataiai Mak 6:14 Referans Kwoze

1 Tesalonika 1:8

Kumahe mewenae teka seilon ti Masedonia ma Akaia hongoen amuto kaxi ahuhuti meng solian ti Jises Krais. Seilon ti tesol tesol laha hongoen xoxoi namilomuto ti Haeu, aile ape amite kum kaxi aheke.

Luk Meng solian ti Jises tataiai Luk 13:31

Lokon ien teka *Parisi nahima ape laha hone Jises, “Lua saliliwa ie nake *Herod Antipas pahan i telei o.”

Luk Meng solian ti Jises tataiai Luk 3:1

Leili ahang 15 ti Taiberius masiwi tapein ti *Rom, Pontius Pailat i masiwi ti Judia, *Herod Antipas i masiwi ti Galili, tel ukalan Pilip i masiwi ti Iturea ma Trakonitis ape Lisanias i masiwi ti Abilene.

Mak Meng solian ti Jises tataiai Mak 8:28

Lato pahoi ukek, “Teka laha ukek o Jon Baptis, teka laha ukek *Elaija ape teka liai ukek o tel kuluiai kakai Haeu.”

Mak Meng solian ti Jises tataiai Mak 1:45

Tuahe ti tel seilon nahiwa, i kaxi sawateni ka tinun ape i ewiwen. Aile ape Jises kum nahih hani taon ti leili seilon kilan. I tua nanahih melal ti taon tuahe seilon nahih tatale hani kapin.

Mak Meng solian ti Jises tataiai Mak 1:28

Ape axe Jises i sawata leili Galili hatexux.

Matiu 9:31

Tuahe lalu nahih kaxi sawateni hani tesol tesol ti xux ien waliko ti Jises ailewen.

Luk Meng solian ti Jises tataiai Luk 9:19

Lato pahoi i ukek, “Teka ukek o Jon Baptis, teka liai ukek o Elaija ape teka laha ukek ka o tel ti teka kuluiai kakai Haeu liai ti kuewen i moih aliawen.”

Hibru 2:4

Haeu kola hawanewen ka kakain ien se salan. Ti haxoxoan i aile kilan kolakol ma waliko tenen lalap ti pohen. Tin i hani hetekie *Holi Spirit lehe i hapohea seilon tetan ti ailei puasain tenen tenen usiai namilon.

Luk Meng solian ti Jises tataiai Luk 7:17

Meng ti sale puase Jises sawata hani hatexux Judia ma xux ti xohixohin kapin.