Mak Meng solian ti Jises tataiai Mak 5:34 - Seimat

³⁴ Jises kakane i ukek, “Tel natuk, xoxoi namilom tetak i aile tinum ewi. Nahih hetekiewa amuam he tiam. Naxe tinum ape i tapoen.”

Mak Meng solian ti Jises tataiai Mak 5:34 Referans Kwoze

Luk Meng solian ti Jises tataiai Luk 8:48

Jises hone i ukek, “Tel natuk, o ewiwen nake ti xoxoi namilom tetak. Nahih hawanenewa.”

Matiu 9:22

Jises tohea paxai i ape ukek, “Amuamua tel natuk. Xoxoi namilom tetak i aile hasolia o.” Ape salan, i ewi huluta.

Luk Meng solian ti Jises tataiai Luk 18:42

Jises hone i, “Aope ie ape o paxapax. Xoxoi namilom hani Haeu i haewia o.”

Luk Meng solian ti Jises tataiai Luk 7:50

Ape Jises kakane tel hehin, “Haeu awai o ti kawatan ti lialui woum nake namilom xoxoan tetak. Nahih hawanenewa.”

Mak Meng solian ti Jises tataiai Mak 5:29

Ape salan, kiliwan wanen naxe tinun i tapo ape i ilameni ka leili tinun ewiwen.

Aposel 14:9

Ngain tehu i to hongohong ti Pol kakaxi meng solian ti Jises. Ti Pol pax sawi haniwa i, i paxai tioi ka tel seilon ien namilon xoxoan ka Jises pon haewian.

Luk Meng solian ti Jises tataiai Luk 17:19

Ape Jises hone tel seilon ien, “Tua ape nahih tamusua. Xoxoi namilom hani Haeu i aile haewiawen o.”

Mak Meng solian ti Jises tataiai Mak 10:52

Jises hone i, “Nahiwa, xoxoi namilom ti Haeu aile haewiawen o.” Tataen ien wanen, pulan ewi ape i nahih kahiti Jises.

Matiu 9:2

Teka seilon kau hani i tel seilon tupuan maten engeeng he sau. Ti Jises ningahiwa xoxoi namilolaha, i hone tel tinun, “Tu xoxoa tel natuk! Nga oxoxi o ti kawatan ti lialui woum.”

Mak Meng solian ti Jises tataiai Mak 3:10

I haewia kilan seilon, aile ape teka seilon tinun nahih tatale hani kapin. Pahalaha wanen laha soti i.

Mak Meng solian ti Jises tataiai Mak 5:33

Tel hehin ilameni tioi i ewiwen ape i mamata xexex lokuha hani itan kapi ae Jises. I kaxi waliko tenen i sohot haniwen i.

Aposel 15:33

Tesol seilon lato luama Jerusalem lato to teik kokol ien ape teka kahikahi Jises ti Antiok talo aliake lato hani Jerusalem. Lato ukek, “Amuam ti Haeu kapimuto.”

Aposel 16:36

Tel peteniai kalabus hone Pol, “Teka masiwi hakauma kakain ti oxoxiamulu ti kalabus. Ape ewi na amulu nahih. Nahih hawanenewa!”

Jeims 2:16

Na masin o hone i ukek, “Haeu kapim ma i axi o puxux ma an,” tuahe o kum huali i, tap waliko solian o ailewen.