Mak Meng solian ti Jises tataiai Mak 3:11 - Seimat

¹¹ Lawe seilon ti *spirit lialun kapiti hahalialu, laha ningahiwa Jises, laha put hani mateiwaun ape tilol ausisini ukek, “O se tel Nati Haeu!”

Mak Meng solian ti Jises tataiai Mak 3:11 Referans Kwoze

Luk Meng solian ti Jises tataiai Luk 4:41

Teka ti laha spirit lialun kapiti hahalialu. Kakai Jises tehue ape spirit lialun ox ahuta titilol, “O tel Nati Haeu!” Jises watakai teka spirit lialun kaxi hani teka seilon ka i Krais, aile ape i halini na lato kaxi.

Luk Meng solian ti Jises tataiai Luk 8:28

Ti i ningahiwa Jises, i tang ausini ape i lokuha mateiwaun. I tilol ukek, “Jises, tel Nati Haeu pate tuah, lehe o aile la hani nga? Nga kamei eliel o, kum aile hahalialu nga!”

Jeims 2:19

Amuto soh ka Haeu i telawe, kewak? Salan wanen. Tuahe teka *spirit lialun tin laha soh ma laha mamata xexex Haeu.

Matiu 8:29

Ti lalu ningahiwa Jises, tesol spirit lialun leilolalu ausini, “Tel Nati Haeu, o paham waliko la ti amite? O nanahima ti aile halialuamite? I tai meiwa ngain ti Haeu kikilami.”

Matiu 4:3

Satan nahih hani kapin ape i ukek, “Na o tel Nati Haeu, kolitiniwa tesol pot ie haniwa bret.”

Aposel 16:17

Tel hehin kakahiti amite Pol to titilol, “Tesol seilon ie lato unaui Haeu tel Masiwi tapein. Lato kakaxi sale awaiai seilon ti kawatan ti saun lialun ti laha.”

Matiu 8:31

Tesol spirit lialun kamei eliel Jises, “Na masin o usi ahuti amite, talo haniwa amite leili tesol pou.”

Matiu 4:6

Ape Satan kakane i, “Na masin salan o tel Nati Haeu, tautit haniwa itan. Ti leili pepai Haeu i kak ukek, “ ‘Haeu talo tesol engelaun tengeni awaiam he minalato lehe kalak taen aem pot kum hamange.’ ” (Ps 91:11-12)

Matiu 14:33

Tesol kahikahin he tea koap lokuha hani Jises. Lato ukek, “Salan wanen o tel Nati Haeu!”

Mak Meng solian ti Jises tataiai Mak 1:1

Hutuiai *meng solian ti *Jises Krais tel Nati Haeu.

1 Korin 11:34

Tel na pate i hitol kasia, ala i ang aliamua puki leili ingan lehe Haeu kum kola hani i lengean na i kum tani waxi teka liai ti tehu angiain ien. Nga po nau aheke amuto na nga tahia haniwa kapimuto.