Mak Meng solian ti Jises tataiai Mak 14:20 - Seimat

²⁰ I hone lato, “Se tel ti amuto tesol huopanim huhua kahikahik. I tetel i xomi anan hani leili tehu tone an kapik.

Mak Meng solian ti Jises tataiai Mak 14:20 Referans Kwoze

Jon Meng solian ti Jises tataiai Jon 13:26

Ape Jises kak pahoi ukek, “Tel nga hani i teik bret ie muhin ti nga xomi haniwa tehu tone an, i tetel ien.” Salan, i xomi ape i hani Judas Iskariot, tel nati Saimon.

Jon Meng solian ti Jises tataiai Jon 6:71

Jises kakak Judas, nati Saimon Iskariot. Imuh i hangaini Jises hani teka seilon ti teleian, kalak i tel ti tesol huopanim huhua aposel.

Luk Meng solian ti Jises tataiai Luk 22:47

Jises kakak tutuen ti Judas hakahitama teka seilon. I tel ti tesol huopanim huhua *kahikahi Jises. I nahih xohiwa ape i asoi taliope Jises.

Mak Meng solian ti Jises tataiai Mak 14:43

Ti Jises kakak tutuen, Judas tahiawa. I tel ti tesol huopanim huhua kahikahin. I kakahiti kilan seilon liai hetekie ngol weluwelun ma pata ti hile. Teka masiwi tuah ti hukuminiai Haeu ma seilon, teka hanaui nauna ti Moses ma teka masiwi liai taloma laha.

Matiu 26:47

Jises kakak tutuen ti Judas tel ti tesol huopanim huhua kahikahin tahiawa. Kilan wanen seilon kakahiti i, laha akekeni ngol weluwelun ma pata ti hile. Teka masiwi tuah ti hukuminiai Haeu ma seilon, ma teka masiwi liai taloa laha.

Matiu 26:23

Jises kak pahoi lato ukek, “Tel na i xomi anan hani leili tehu tone an kapik, i tetel i hangaini nga.

Mak Meng solian ti Jises tataiai Mak 14:19

Tialato kawat hawane ape lato tel tel kamei i, “Kaie kumahe nga?”

Mak Meng solian ti Jises tataiai Mak 14:21

Nga *tel Nati Seilon, imuh nga mat masin ti leili pepai Haeu kakawen. Tuahe kawatan lalap tunahi tel seilon i hangaini nga hani laha telei. Pamu ewian na i tai takah.”