Matiu 4:22 - Seimat

²² Ape salan, lalu nahih salili tea koap ma tel tamalalu ape kahiti i.

Matiu 4:22 Referans Kwoze

Matiu 10:37

“Na tel seilon pamu i waheni tel taman ma tel tinan i xoini ti i waheni nga, i kum pon kahikahik. Na tel seilon pamu i waheni tel natun i xoini ti i waheni nga, i kum pon kahikahik.

Luk Meng solian ti Jises tataiai Luk 14:26

“Na tel seilon pahan i sohot kahikahik, i waheni hawanewa nga xoiniwa ti i waheni taman, tinan, axoan, natun, ukalan, tuan ma puki alia i. Na tap, i kum pon kahikahik.

Mak Meng solian ti Jises tataiai Mak 1:20

Jises hone lalu kahitian. Lalu nahih salili tel tamalalu ma teka seilon laha pupuas ti lato ape lalu nahih usi Jises.

2 Korin 5:16

Aile ape, lilian ti amite sohotua kahikahi Krais, sale paxapaxa ti amite kolongeniai seilon kumahe masin ti teka laha kum soh tetan. Ti imat, amite namiloi Jises Krais hanowi ti laha, tuahe ape amite namiloi towiahuen.

Luk Meng solian ti Jises tataiai Luk 14:33

Ape Jises tili kakaian i ukek, “Tap tel ti amuto i pon kahikahik halik i hani hatapo nga neini i.

Matiu 4:21

Jises nahih ahewa ape i ningahi hahutalin liai, Jeims ma Jon, nati Sebedi. Lalu he tea koap kapi tel tamalalu apepeseni upenaulato. Ape Jises tiloi lalu.

Matiu 4:23

Jises nahih hani tesol tesol ti Galili hahanau teka seilon leili *synagog, ing ti apuhai teka *Ju. I kakaxi meng solian ti Haeu neini seilon ape i aile hasolia teka hina nax tenen tenen.

Luk Meng solian ti Jises tataiai Luk 5:11

Ti lato uhi koap hanile ixux, lato hana lioi hatesol waliko ti lato ape kahiti Jises.