Matiu 28:5 - Seimat

⁵ Tel engel hone huhua hehin, “Kum maamata. Nga tioi ka amulu paxai sasakal Jises, tel laha teleiwen.

Matiu 28:5 Referans Kwoze

Hibru 1:14

Teka engel se tuahe unaui Haeu. Laha se spirit solian Haeu talo hualiai teka seilon tetan, teteka Jises awai ti lawe waliko lialun lehe laha to kapi Haeu lian tehue.

Luk Meng solian ti Jises tataiai Luk 24:5

Tesol hehin mamata hawane ape lato lokuha lakua hani itan. Huhua seilon ien hone lato ukek, “Kalahai amuto pax upiup tel seilon moihin he tone teka maten?

Luk Meng solian ti Jises tataiai Luk 1:30

Tel engel kakane Mary ukek, “Kum maamata, Haeu aile kola soliaian hani o.

Mak Meng solian ti Jises tataiai Mak 16:6

I hone lato, “Kum maamata! Nga tioi ka amuto upiup Jises ti Nasaret, tetel laha telei. I kumahe ie, i moih aliawen! Paxaiwa, i tap tetesol laha hahana i.

Matiu 28:10

Jises hone lalu, “Kum maamata! Honewa tesol kahikahik lawak lato nahih haniwa Galili lehe lato ningahi nga ien.”

Matiu 14:27

Jises hone hamatua lato, “Haxoxoa namilomuto! Se nga. Kum maamata!”

Matiu 28:4

Teka peteniai amali Jises mamata xexex hawane ape lato put hani itan masin seilon tenen maten.

Aposel 2:24

Tuahe Haeu hamoihawen Jises. I oxoxiwen i ti matemate nake kum pon wanen matemate aka kongini i.