Matiu 27:23 - Seimat

²³ Ape Pailat kamei laha i ukek, “Nake lahan? Waliko la lialun na i ailewen?” Tuahe laha tilol eliel hawane ukek, “Tahi hakeawa i he kros!”

Matiu 27:23 Referans Kwoze

Aposel 7:57

Ti lato hongoa lato aka siponi taxingalato, lato ausini eliel hawane ape lato kiliwau nami Stiven.

Aposel 23:10

Tel masiwi Klodius paxai ka ape laha leng eliel hahawane. I mamata uke laha aile hamange Pol. Kakanua i hone teka unauan ka lato nahih haniwa leilolaha, waxi lungeiwa Pol ape hakahita haniwa tehu ingi teka seilon ti hile.

Matiu 27:22

Pailat kamei laha, “Ape nga aile la hani Jises tel laha ukek Krais?” Laha hatesol pahoi i ukek, “Teleiwa i! Tahi hakeawa i he *kros!”

Matiu 27:24

Ti Pailat paxaiwa ka laha kum hong waxi i, ma tehu lape hile uke i sohot wasole teka seilon, i waxi kan ape nuhi minan he pulalaha. I ukek, “Tap teik kawatan tetak ti sale matei tel seilon ie, ien se waliko ti amuto!”

Luk Meng solian ti Jises tataiai Luk 23:4

Ape Pailat hone teka masiwi tuah ti hukuminiai Haeu ma seilon, ma teka laha apupuha, i ukek, “Nga tai tunah tenen na i pon suluiai tel seilon ie.”

Aposel 13:28

Kalak laha kum tunah huan ti teleiai Jises, laha kamei Pailat ka teleiwa i.