Matiu 27:16 - Seimat

¹⁶ Ti lokon ien tel seilon leili kalabus axan Barabas, axan lalap wanen ti ailei waliko lialun.

Matiu 27:16 Referans Kwoze

Mak Meng solian ti Jises tataiai Mak 15:7

Ti lokon ien tel seilon axan Barabas i kakalabus kapi teka seilon tuaun nake lato hil pahoi teka masiwi ti kiliwakei xuxulaha. Ti leili hilehile lato teleiwen hina seilon.

Rom Teik pasi Pol hani teka kahikahi Jises Krais ti Rom 1:32

Kalak laha tioi ka ti sawisawiai Haeu i namiloi ukek ka teteka laha aile tenen saun lialun ien, kahulaha mewenae matemate, laha aile tatale tesol waliko ien kasinan ti ape laha hongeni hetekie teteka laha ailele saun tenen lialun ien.

Aposel 3:14

Amuto watakai hawane Jises, tetel i ailele mewenae puase Haeu a woun pate sawisawin. Amuto kamei Pailat na i ahuti hani amuto tel weli teleiai seilon.

Jon Meng solian ti Jises tataiai Jon 18:40

Laha ausini eliliel ukek, “Kumahe! Kumahe i! Pahamite Barabas!” Barabas i tel ti teka Ju laha hil pahoi teka masiwi ti kiliwakei xuxulaha.

Luk Meng solian ti Jises tataiai Luk 23:25

I oxoxi hani laha tel pahalaha, tetel i kalabus ti hilehile ma teleiai seilon. Ape i hone teka unauan ti hile tahi hakeai Jises he kros pata.

Matiu 27:15

Leili taun ti *Pasova, tehu angiain lalap ti nameniai ngain ti Haeu waxi aliake teka Ju ti *Igip, saun ti tel masiwi Pailat i ahuti tel ti teka kalabus, tel ti na teka seilon pahalaha.

Matiu 27:17

Ti teka kilai seilon apuhawa, Pailat kamei laha, “Pahamuto nga ahuti hani amuto Barabas ka Jises, tel laha ukek *Krais?”

Rom Teik pasi Pol hani teka kahikahi Jises Krais ti Rom 16:7

Amuam haniwa Andronikus ma tel hehin Junias huhua akikik *Ju lalu kalabus tuaiwen nga. Lalu sohot kahikahi Krais imat tetak ape teka seilon sameni hawane huhua *aposel ien.