Matiu 27:14 - Seimat

¹⁴ Tuahe tap tenen na Jises kakawen, aile ape Pailat pate i ongaini.

Matiu 27:14 Referans Kwoze

1 Korin 4:9

Nake ti tenen ien, ilamenan tetak masin ka amite tesol aposel ti Krais, Haeu hanawen tapeinan ti lawe seilon. Hanowi ka amite teka kalabus lehe teka masiwi hani laha telei ti puli lawe seilon. Tin hanowi ka lawe seilon hetekie teka *engel laha paxai otioti waliko tenen i sohot hani amite masin ti teka seilon laha mamatai lokoloko.

Matiu 26:63

Tuahe Jises tai wix pahoi. Ape Kaiapas hone ulei i ukek, “O tuohawa ti puli Haeu na masin o *Krais tel Nati Haeu.”

Matiu 27:12

Tuahe ti teka masiwi tuah ti hukuminiai Haeu ma seilon, ma teka masiwi liai ti teka Ju kak hohokai i, Jises tai wix pahoi.

Matiu 27:13

Ape Pailat hone i ukek, “Nakon o hongohong hatesol waliko ti laha kak susului o?”

Mak Meng solian ti Jises tataiai Mak 15:5

Tuahe tin Jises tai wix pahoi. Pailat pate i ongaini.

Luk Meng solian ti Jises tataiai Luk 23:9

Ape Herod kamei hakila hawane Jises kamekame tuahe i tai kak pahoi na tenen.

Jon Meng solian ti Jises tataiai Jon 19:9

I hakahita aliake Jises hani leili ing ape i kamei i, “A o seilon ti ia?” Tuahe Jises tai wix pahoi.