Matiu 17:5 - Seimat

⁵ Ti Pita kakak, teik maun tenen xewan wanen man atuhi lato. Ape kakai Haeu i ahuma he maun ien, i ukek, “Tel seilon ie se Natuk pate nga waheni. Nga amuke hawane i. Hong usiwa kakaian!”

Matiu 17:5 Referans Kwoze

Matiu 3:17

Tataen ien teik kakain ahuma ti *tone Haeu, “Ie se tel Natuk wanen nga waheni, nga amuke hawane i.”

Matiu 12:18

“Ie tel Natuk, i unauak, tel nga kilamiwen, nga waheni ma pate nga amuke hawane i. Nga hani i Spirit tetak, ape i kaxi ahuti hani lawe seilon aweisal ti nga neini hasawi laha.

Mak Meng solian ti Jises tataiai Mak 9:7

Lokon ien, teik lihui maun atuhi lato ape tenen kinax i wixima he maun ien i ukek, “Tel seilon ie se Natuk pate nga waheni. Hongoa i.”

Jon Meng solian ti Jises tataiai Jon 3:35

Haeu tel Taman waheni hawane tel Natun, aile ape i hana tel Natun Masiwi ti lawe waliko.

Mak Meng solian ti Jises tataiai Mak 1:11

Ape tenen kinax wixima ti *tone Haeu i ukek, “O se Natuk pate nga waheni, nga amuke hawane o.”

Hahatakei Haeu 1:7

Hongoa! I luama he maun ape hatesol seilon ningahi i hetekie tataen teka teleian. Tataen ien seilon ti lawe xux tang hawane nake ti lialui woulaha. *Salan wanen.

Luk Meng solian ti Jises tataiai Luk 3:22

Lokon ien Holi Spirit mos hani kapin hanowi tok pux. Ape tenen kinax wixima ti *tone Haeu i ukek, “O se Natuk pate nga waheni, nga amuke hawane o.”

Hibru 5:9

Aile ape Haeu paxai ukek i tel seilon sawisawin tapein ape i sohot tel awaiai tetesol seilon ti kawatan ti lialui woulaha ti laha hong tamani nauna tetan. Ape laha to kapi Haeu lian tehue.

Aposel 7:37

“Moses tin tetel i kakane teka Israel, ‘Imuh Haeu hani amuto tel kuluiai kakaian. I puki tel akikikako masin nga.’ (Deut 18:15)

Jon Meng solian ti Jises tataiai Jon 5:37

Puki i haxewa ka nga se tel Natun kalak amuto tai hongohong kinaxon ma tai niningahi kawan.

Kolosi 1:13

Kemuk *Satan neneini kako ape kako masin leili tilokoan. Tuahe aope ie Haeu oxoxiwen kako ti hahitake Satan ape i hani neiniakako tel Natun pate i waheni.

Epesus 1:6

Aile ape kako kak sameniwa Haeu ti lalape soliaian i haniwen kako. I aile hasolia hawane hani kako nake ti puase Jises Krais tel pate i waheni, kumahe nake ti puasakako.

Jon Meng solian ti Jises tataiai Jon 3:16

“Ti lalape wawahen ti Haeu hani hatesol seilon, i taloma telawe Natun lehe teka laha soh tetan laha kum selaia ti Haeu lian tehue. Laha uke non tonain tuah kapin ti tap tahi tapoan.

Aposel 1:9

Muhin ti i kak kewa, Haeu waxi i hani patul kapin ti puli tesol kahikahin ape teik maun likihini i ti pulalato.

Matiu 17:6

Ti tolu kahikahi Jises hongoa, lato mamata hawane ape lato eng kalunga muneni kawalato.

Hahatakei Haeu 14:14

Imuh nga ningahi tel seilon toto he teik maun papaxaxun. Tanoman masin ka i tel *Nati Seilon. He patun teik tah ani gol ma i akekeni tea pole pate angian.