Matiu 17:12 - Seimat

¹² Tuahe nga hone amuto, tel masin Elaija i sohotuen, tuahe teka seilon kum paxai tioi. Laha aile halialu i. Tin masin kawatan ma moloan ti na laha aile hani nga tel Nati Seilon.”

Matiu 17:12 Referans Kwoze

Matiu 16:21

Lokon ien Jises hutui kakane tesol kahikahin ukek, “Nga nahih hani Jerusalem. Ti ien teka masiwi ti teka *Ju, teka masiwi tuah ti hukuminiai Haeu ma seilon, ma *teka hanaui nauna ti Moses, laha axi nga kawatan ma moloan lalap. Laha telei nga tuahe muhi ngain toluhu nga xahat alia.”

Aposel 4:10

Ien, amuto ma hatesol seilon ti *Israel tioiwa, tel seilon tutu ie mateiwaumuto tinun ewi hawanewen nake ti pohe axe Jises Krais ti Nasaret, tetel amuto telei ape Haeu xahateni i ti matean.

Aposel 7:52

Tamamuto aile halialu hatesol kuluiai kakai Haeu! Tin lato telei teka laha kak kilami sohotui tel seilon sawisawin ti Haeu, tel *Krais Haeu taloma, tetel amuto hangaini hani laha telei.

Aposel 2:23

Tetel seilon ien, Haeu kak kilamiwen ka amuto hangaini hani teka seilon lialun ape laha telei. Laha tahi hakea i hani he *kros.

Jon Meng solian ti Jises tataiai Jon 1:11

I lua hani xuxun tuahe puki teka akikin kum tani waxi i.

Luk Meng solian ti Jises tataiai Luk 7:33

Masin Jon Baptis ti i sohotuma, i kum ang halapa ma i kum un waen ape amuto ukek, ‘Spirit lialun kapiti halialu i.’

Matiu 21:32

Ti Jon Baptis kola hahani amuto aweisal sawisawin, amuto kum soh kakaian. Tuahe teka waxiai moni ma teka hehin ailei saun lialun, laha soh. Kalak amuto ningahi laha hong usi kakaian, amuto kum towiahu ti lialui woumuto hani Haeu ma amuto kum soh tetan.”

Matiu 11:2

Ti Jon Baptis leili kalabus, i hong waliko ti *Krais ailele. I talo tesol kahikahin hani kapin.

Matiu 8:20

Tuahe Jises pahoi i ukek, “Sinen hina walun, manixux hina ingan a nga, *tel Nati Seilon, tap tuahe tesol na tone hanawaiak.”

Matiu 17:9

Ti lato momosua he tehu maunten, Jises kakane eliel lato i ukek, “Kum kakaxi hani tel na seilon waliko ti amuto ningahiwen atengi tataen nga *tel Nati Seilon xahat alia ti mateak.”

Matiu 17:11

Jises ukek, “Salan wanen, tel masin Elaija i sohotumu apeseniai teka seilon imat ti Krais sohot.

Matiu 17:13

Tataen ien tesol kahikahin hong tioi ka i kakak Jon Baptis, tel i sohotuma imat ti Krais.

Matiu 17:22

Ti tesol kahikahi Jises apuha haniwa Galili, Jises hone lato, “Nga tel Nati Seilon, imuh laha hana hani mini teka seilon laha watakai hawane nga.