Matiu 13:43 - Seimat

⁴³ Ape teka seilon ti Haeu laha kamakam hanowi alon he tesol *tone Haeu. Na amuto hina taxing ti hongoi kakain, hongoa!

Matiu 13:43 Referans Kwoze

Luk Meng solian ti Jises tataiai Luk 12:32

“Amuto tesol kahikahik, kalak amuto palai ma kumahe pate kuin, kum maamata. Pake tel Tamamuto Haeu hani amuto neiniai seilon kapin.

Matiu 11:15

Na amuto hina taxing ti hongoi kakain, amuto hongoa!

Matiu 25:34

“Ape nga hone teka seilon minak sai manau, ‘Amuto se seilon teka tel Tamak Haeu aile hasolia hani amuto. Nahima lehe Haeu neini amuto hani leili tesol tonain i apeseni haniwen amuto hutui ti tanoi tehu pon ie.

Jeims 2:5

Teka akikik ti Krais, hong matainiwa! Teteka seilon tap soxi teka liai paxai wasi laha, Haeu kilami laha lehe namilolaha xox tetan. Teka seilon ien Haeu neneini laha masin ti i kakanewen teka laha waheni i.

1 Korin 15:58

Tesol soliai akikik ti Krais, tu xox hawanewa. Kum hahani tenen na waliko kapiti hakalala amuto. Lawe hani hatapoa tupuamuto ailei puase Haeu tel Masiwi. Ala amuto tioi ka puasain lalap ti amuto ailele ti axe Haeu tel Masiwi i kum tua xoina.

Luk Meng solian ti Jises tataiai Luk 22:29

Masin ti tel Tamak Haeu kilamiwen nga neiniai seilon, nga kilami ulei amuto.

Matiu 26:29

Nga kakane hawane amuto, nga kum un ulea waen atengi tataen ti kako amuam leili *tone Haeu tel Tamak.”

Matiu 25:36

Ti nga tap sosok, amuto axi sosok. Ti nga tinun, amuto ngahati nga. Ti nga kakalabus, amuto nahih paxai nga.’

Mak Meng solian ti Jises tataiai Mak 4:23

Na amuto hina taxing ti hongoi kakain, hongoa!”