Matiu 10:17 - Seimat

¹⁷ Lepetawa hina seilon laha pohi xioti amuto ape sului amuto hani teka seilon ti hong paxaiai kakain ape laha xai amuto leili *synagog.

Matiu 10:17 Referans Kwoze

Mak Meng solian ti Jises tataiai Mak 13:9

“Amuto lepetawa! Amuto laha hana hani mini teka masiwi ti toan ape laha xai amuto leili *synagog. Laha sului amuto hani teka masiwi ti puasain tenen tenen nake amuto kahikahik. Ien se aweisal ti amuto kaxi nga hani laha.

Matiu 23:34

Nga kakane amuto, nga talo hani amuto teka kuluiai kakai Haeu, teka seilon aneso ma teka hanaui saun ti Haeu. Amuto telei teka, amuto tahi hakea teka he *kros, teka amuto heti leili synagog ape teka amuto usi haoxa hani toan tewau tewau.

Aposel 26:11

Nga nahih hani *synagog tehu tehu ti aile halialualato ape lungei lato kak halialui Haeu. Kalak tataen ti taon ti teka kumahe Ju nga kum sosokol aile halialualato.

Jon Meng solian ti Jises tataiai Jon 16:2

Laha xaxaweni tamusuke amuto ti *synagog ape taun i luluainima ti teka seilon laha telei amuto laha namiloi ukek ka saun tenen ien i kola ka laha se unaui Haeu.

Luk Meng solian ti Jises tataiai Luk 12:11

“Na laha sului amuto hani teka masiwi ti *synagog ma teka masiwi tenen tenen, kum hahakila namilomuto waliko tenen na amuto kak ti awaiamuto.

Matiu 5:22

Tuahe nga kakane hawane amuto, tel na i tua lengeini lalolal seilon, i tu ti sulusulu ti puli Haeu. Ape tel na i kak halialu seilon liai i ukek, ‘O tap pupuasam,’ laha sului i hani teka masiwi. Ape tel na i kak halialu seilon liai i ukek, ‘O taxitaxia,’ i kane tehot ah lalap tap tahi pehoan.

Aposel 22:19

“Nga kak pahoi ukek, ‘Tel Masiwi, kemuk nga kalabusi ma xai teka kahikahim leili synagog.

Hibru 11:36

Teka lato kau kawatan ti seilon kak soxeni ma heti hamange lato ape teka ti lato laha xinoti ani sen ape kalabusi.

2 Timoti 4:15

Puki o kanipetiwa i nake i pahoxai hawane meng solian ti Jises Krais kako kakaxi.

Pilipai 3:2

Lepeta hawanewa teka seilon laha lungei amuto ti ailei *teik kikilam ti kotiai uli walikoumuto ti usiai saun ti teka Ju. Puasalaha pate lialun, i kum kau anan. Laha masin teka pahalaha koti xaxaweniai soxi tini seilon. Kumahe salan laha soh hawane ti Jises Krais.

Jon Meng solian ti Jises tataiai Jon 11:47

Aile ape teka Parisi ma teka masiwi tuah ti hukuminiai Haeu ma seilon apuha hani kapi teka masiwi tapein ti teka Ju ape lato ukek, “Kaie kako aile waliko la? Tel seilon ien aile kilan kolakol tenen lalap.

Mak Meng solian ti Jises tataiai Mak 13:12

“Taun tehu ien kumahe solian. Hahutalin, tel i hangaini tel hani laha telei. Tin masin hahutaman, tel taman i hangaini tel natun hani laha telei. Teka akaik hangaini tamalaha ma tinalaha hani seilon telei.

Matiu 26:59

Kaiapas ma teka masiwi liai ti teka Ju, laha upiup teka seilon na laha aile kakain puputa ti suluiai Jises lehe waxi laha telei.

Aposel 17:14

Aile ape teka kahikahi Jises talo Pol ma teka liai laha lua akakati i hani Aten tehu taon leili texux xux Akaia. A Sailas ma Timoti hamalum Berea.

Matiu 20:19

Lato hangaini nga hani mini teka seilon ti *Rom. Laha soxeni nga, heti nga ma tahi hakea nga hani he *kros ape nga mat. Tuahe muhi ngain toluhu nga xahat alia.”

Matiu 10:18

Nake amuto kahikahik, laha ati lungei amuto hani teka masiwi tenen tenen. Ape amuto kaxi *meng solian ti Haeu hani laha ma teka laha kum tioi i.

Aposel 9:2

Sol kamea na i tai axi i hina pas lehe i kola hani teka masiwi ti *synagog leili tehu taon Damaskas. Tesol pas ien i kaxi ka Sol pon xotiai teka seilon laha usiusi aweisali *Krais ma hakahita kalabusialaha hani Jerusalem.