Matiu 1:23 - Seimat

²³ “Tel hehin tenen i tai eng akakati tel na wawan i pet akaik ape i hatakaha tel akaik wawan, laha axai axan Imanuel. Tenen kakain Imanuel i ukek, ‘Haeu kapi kaha.’ ” (Isa 7:14; 8:8,10)

Matiu 1:23 Referans Kwoze

Jon Meng solian ti Jises tataiai Jon 1:14

Tetel i Kakain i sohot seilon hanowi kaha ape i luama to kapi kaha ti tehu pon itan ie. Kaha ningahi lalape pohen ma soliaian, tel pate tuah wanen i luama ti Haeu tel Taman. Tap tel soliaian masin tetan. Ti soliaian i kola lalape wawahen ti Haeu hani kaha ape i kola hatakei lawe waliko salan ti Haeu.

1 Timoti 3:16

Lawe waliko ti Haeu hatakei hani seilon sale Jises Krais se pate tuah ma salan wanen. Masin ti tenen pak i ukek, Jises Krais i sohot seilon wanen. *Holi Spirit kola hani kaha ka i tel Nati Haeu. Teka *engel ningahi i muhin ti Haeu xahateniwa i ti matean. Ti Haeu waxi i hani tonan, i kola lalape pohen ma soliaian. Teka kahikahi Krais kaxi sasawateni mengon hani teka seilon ti tesol tesol ape kilan ti laha soh tetan.

Matiu 28:20

Ape hanaua laha usi hatapoi waliko ti nga honewen amuto. Nga kakane hawane amuto, nga kapimuto lian tehue.”

2 Timoti 4:22

Nga kamei Haeu ti aile kolai lalape soliaian hani o. Haeu tel Masiwi kapimuto hatesol.

Rom Teik pasi Pol hani teka kahikahi Jises Krais ti Rom 9:5

Abraham, Aisak ma Jekob lato se teka matahaun ti laha a Krais i tin tel Ju ti i sohot seilon hanowi kaha. I se Haeu, Masiwi ti lawe waliko. Hoi liai kaha haxawa hawanewa axan lian tehue. *Salan wanen.

2 Korin 5:19

Matei Jises Krais se kahuiai lialui woi seilon. Aweisal tewau ien Haeu aile ape wasole seilon kapin pon i sawi. Haeu kum hapeti he namilon lialui woi teka kahikahi Krais. Tenen *meng solian ie Haeu haniwen amite ti kaxi haniai seilon.

Aposel 18:9

Ipong tehu Haeu kakane Pol ukek, “Kum maamata! Kaxi tatalewa kakaiak ma kum aile lilioi.

2 Timoti 4:17

Puki Haeu huali nga ma hakui nga ti kaxi hatapoi kakaian lehe *teka kumahe Ju, tin laha hong kakaian. Ape Haeu awai nga ti teka teleiak.

Matiu 1:24

Muhin ti Josep haiwa, i waxi Mary hanowi ti tel engel ti Haeu kaakane i.

Rom Teik pasi Pol hani teka kahikahi Jises Krais ti Rom 8:31

Lehe ape kako kak ukek ia ti *lalape soliai Haeu ien? Na Haeu tepaun ti kako, aita pon xoiniakako?

Luk Meng solian ti Jises tataiai Luk 20:44

David axai Krais tel Masiwi tetan. Na masin ien, i kumahe tuahe tel ti kahi natun.”