Luk Meng solian ti Jises tataiai Luk 9:20 - Seimat

²⁰ Ape Jises kamei lato, “A puki amuto? Amuto ukek nga aita?” Pita pahoi i ukek, “O *Krais, tel Haeu taloma.”

Luk Meng solian ti Jises tataiai Luk 9:20 Referans Kwoze

Jon Meng solian ti Jises tataiai Jon 7:41

Teka liai ukek, “I se Krais.” Tuahe teka liai ulea ukek, “Tap wanen nake i se seilon ti Galili.

Jon Meng solian ti Jises tataiai Jon 4:29

“Nahima paxai tel seilon i kaxi hatakei hani nga lawe waliko ti nga ailewen! I uke Krais, tetel Haeu taloma.”

Aposel 17:3

I kaxi haxewa kakai Haeu ape i nexi hani lato ka hoi liai ti kuewen Haeu namiloiwen ka *Krais kau kawatan ma moloan ma i xahat alia ti matean. Pol ukek, “*Jises, tetel nga kaakane amuto, i se Krais, Haeu taloma ti awaiakako ti kawatan ti saun lialun ti kako.”

Aposel 9:22

Tuahe Sol kaxi ahuti aheke meng solian ti Jises hetekie pohe Haeu. Ape teka Ju ti Damaskas laha hong tataxini ti i kaxi nexi haxewa ka Jises se Krais.

Jon Meng solian ti Jises tataiai Jon 20:31

Tuahe tetesol ti leili pepa ie nga tai lehe amuto soh ka Jises i se *Krais tel Nati Haeu ape ti xoxoi namilomuto tetan, amuto uke *tonain kapi Haeu ti tap tahi tapoan.

Jon Meng solian ti Jises tataiai Jon 11:27

Ape Mata pahoi i ukek, “Tel Masiwi, nga soh hawane ka o *Krais, tel Nati Haeu, tetel Haeu taloma.”

Jon Meng solian ti Jises tataiai Jon 4:42

Laha kakane tel hehin, “Amite soh hawane tetan nake puki amite hong hawanewen kakaian kumahe mewenae nake ti o kaxi hani amite. Ape amite tioi hawanewen ka i se tetel i awai lawe seilon ti kawatan ti lialui woulaha!”

Jon Meng solian ti Jises tataiai Jon 1:49

Nataniel ausinike hawane, “Tel masiwi, o tel Nati Haeu! O se masiwi tapein ti Israel!”

Jon Meng solian ti Jises tataiai Jon 1:41

Kiliwan wanen Andru upia tel ukalan ape kakane i, “Amite paxaiwen Mesaia.” Tenen kakain “Mesaia” i ukek, “Krais.”

Mak Meng solian ti Jises tataiai Mak 8:29

Jises kamei lato, “A amuto? Amuto ukek nga aita?” Pita pahoi ukek, “O Krais, tel Haeu taloma.”

1 Jon 5:1

Teteka laha soh ka Jises i tetel *Krais ti Haeu taloma, laha se nati Haeu. Na kaha waheni tel na seilon, tin kaha waheni hetekie natun.

Aposel 8:36

Ti lalu kikiliwawa, lalu tahia hani ngixi tehu kan. Ape tel seilon hone Pilip, “Tehu kan ie. Ewi na o baptaisi nga?”

Luk Meng solian ti Jises tataiai Luk 22:67

Ape teka ti laha ukek, “Kaxi hanima amite na salan o Krais.” Tuahe i pahoi ukek, “Na nga kaxi hani amuto, amuto kum soh.

Mak Meng solian ti Jises tataiai Mak 14:61

Tuahe Jises tai wix pahoi. Kaiapas kamei ulei i, “Nakon o Nati Haeu, tel *Krais Haeu taloma?”

Matiu 22:42

“Kaie amuto namiloi ukek ia? Krais, tel seilon Haeu taloma, i kahi nati aita?” Lato hone i, “Kahi nati *David.”

Matiu 5:47

Na amuto kakak mewenae kapi teka lawamuto, kalahai lehe Haeu kahui hasolia amuto? Kalak taen laha kum tioi Haeu laha ailele saun tenen ien.

Matiu 26:63

Tuahe Jises tai wix pahoi. Ape Kaiapas hone ulei i ukek, “O tuohawa ti puli Haeu na masin o *Krais tel Nati Haeu.”

Luk Meng solian ti Jises tataiai Luk 9:19

Lato pahoi i ukek, “Teka ukek o Jon Baptis, teka liai ukek o Elaija ape teka laha ukek ka o tel ti teka kuluiai kakai Haeu liai ti kuewen i moih aliawen.”