Luk Meng solian ti Jises tataiai Luk 9:16 - Seimat

¹⁶ Jises waxi tepanim bret ma huok xixi. I pax hani patul ape i kak kemulik hani Haeu ti tesol an. I wiki ape i hani tesol kahikahin sei haniwa lawe seilon.

Luk Meng solian ti Jises tataiai Luk 9:16 Referans Kwoze

Matiu 14:19

I hone teka seilon to haniai he pahoah. I waxi tepanim bret ma huok xixi. I pax hani patul, i kak kemulik hani Haeu ape i wiki. I hani tesol kahikahin ape lato sei hani teka seilon.

Luk Meng solian ti Jises tataiai Luk 24:30

Ti lato to ang, Jises waxi teik bret, i kak kemulik hani Haeu, i wiki ape i hani lalu.

Matiu 15:36

I waxi tesol tepanim huaik bret ma tok palai xixi ape i kak kemulik hani Haeu. I wiki, i hani tesol kahikahin ape lato hani tesol kilai seilon.

Rom Teik pasi Pol hani teka kahikahi Jises Krais ti Rom 14:6

Teteka laha namiloi ukek ka ngain tehu i pamu tuah ti lotuiai Haeu, laha lolotu tehu ngain ien ti haxawai axan. Tin masin teteka laha aniani an tenen tenen, laha hahaxawa axe Haeu nake laha kak kemulik hani i ti an ien. Ape teka laha hahalini an hina, laha aile ti kolai lolaha hani Haeu ma tin laha kak kemulik hani Haeu ti an tenen laha aniani.

Aposel 27:35

Muhin ien Pol waxi hina bret ape i kak kemulik hani Haeu ti he pulalato ape i ani.

Jon Meng solian ti Jises tataiai Jon 6:23

Lokon ien hina koap ti tehu taon Taibirias tahia hani kapi laha, tetesol ti Jises axiaxi ani teka kilai seilon muhin ti i kak kemulik haniwa Haeu.

Jon Meng solian ti Jises tataiai Jon 6:11

Jises waxi tesol bret ape i kak kemulik hani Haeu. Muhin i sei hani teka seilon. Tin masin i sei huok xixi atengi tataen an ahoi laha hatesol.

Luk Meng solian ti Jises tataiai Luk 22:19

Ape i waxi teik bret, i kak kemulik hani Haeu, i wiki sei hani tesol kahikahin ape i ukek, “Ie tupuak nga hani Haeu. Nga hani i lehe nga mat ti kaui kawatan ti lialui woumuto. Amuto wiki seiwa bret masin ti kako ailele tetelao. Amuto aile kapitiniwa ti nameniai mateak.”

1 Korin 11:24

Ti i kak kemulik haniwa Haeu, i wiki ape i ukek, “Teik bret ie i kilami tupuak nga hani lioi ti solian ti amuto. Aniwa ti nameniak.”

1 Korin 10:30

Na masin kako kak kemulik haniwen Haeu ti an ti lehe kako ani, kumahe salan na seilon liai kak halialu kako ti waliko ti kako kakawen kemulik.

Mak Meng solian ti Jises tataiai Mak 7:34

Lon tel hawane ape i pax hani patul. I hone tel seilon, “Epata!” Teik kakain ie i ukek, “Heawa!”

Luk Meng solian ti Jises tataiai Luk 9:15

Ape hatesol seilon to.

Luk Meng solian ti Jises tataiai Luk 9:17

Laha hatesol ang ahoi hawane ape huopanim huohu po moxe an ti tesol *kahikahi Jises apuhiniwa.