Luk Meng solian ti Jises tataiai Luk 8:29 - Seimat

²⁹ I kak ukek nake Jises kakanewen spirit lialun ien ka i ahuta xaxaua ti tel seilon. Kemuk spirit lialun ien kapiti halialu hakilawen i. Kalak na laha peteni tel seilon ien ma xinoti kongini minan ma aen ani sen, i xaputi uke. Ape spirit lialun kapiti hakiliwawa i hani he lohong.

Luk Meng solian ti Jises tataiai Luk 8:29 Referans Kwoze

Luk Meng solian ti Jises tataiai Luk 9:42

Ti tel akaik nahih xohi haniwa kapi Jises, spirit lialun aile haputa hahaxexe i. Tuahe Jises usi xaxaweni spirit lialun ien ape i haewia tel akaik. Muhin ien i aliake tel akaik hani tel taman.

Luk Meng solian ti Jises tataiai Luk 9:39

Lawe na spirit lialun soh haniwa tel natuk, i haxexe hangaxangaxa ape pok sal he awan. Spirit lialun ien lawe i to aile hahalialu tel natuk.

Mak Meng solian ti Jises tataiai Mak 5:8

I kak ukek nake imat Jises honemu i, “Ahutawa ti tel seilon ien!”

Luk Meng solian ti Jises tataiai Luk 8:28

Ti i ningahiwa Jises, i tang ausini ape i lokuha mateiwaun. I tilol ukek, “Jises, tel Nati Haeu pate tuah, lehe o aile la hani nga? Nga kamei eliel o, kum aile hahalialu nga!”

Luk Meng solian ti Jises tataiai Luk 8:30

Jises kamei i, “Axam la?” I pahoi ukek, “Axak Kilan.” I kak ukek nake kilan spirit lialun ingangai tel seilon ien.