Luk Meng solian ti Jises tataiai Luk 7:7 - Seimat

⁷ Aile ape puki nga kum nahima kakaneam. O tua kakawa ape tel unauak i ewi.

Luk Meng solian ti Jises tataiai Luk 7:7 Referans Kwoze

Luk Meng solian ti Jises tataiai Luk 4:36

Hatesol seilon hong ongake ape laha kakak alia puki laha, “Nakon waliko la tetenen? Masiwian ma pohen i ke nonoma ia ka spirit lialun hong tamani i ape lato ahuta xaxau?”

Mak Meng solian ti Jises tataiai Mak 1:27

Teka seilon ongake hawane ape he kakak alia laha, “Nakon waliko la tetenen? Tetel seilon ie i ahuti kakain tenen haun. Kakaian masin tel seilon masiwi wanen. I tumei spirit lialun ape laha hong usi kakaian!”

Luk Meng solian ti Jises tataiai Luk 5:13

Jises tulini aka soti tel seilon. I ukek, “Nga waheni, ewiwa ma haua!” Tataen ien wanen tenen nax salili i.

Luk Meng solian ti Jises tataiai Luk 7:6

Ape Jises nahih kahiti lato. Tuahe imat ti lato tahia, tel masiwi ien talo teka lohun kakanean. Lato hone Jises, “Tel masiwi ukek, ‘O pate masiwi kasia ti na o nahih hanima leili ingak.

Luk Meng solian ti Jises tataiai Luk 7:8

Nga kak ukek nake tin hina seilon pamu masiwian tetak ma hina seilon ti hile hahitakak. Na nga hone tel, “Nahiwa,” i nahih. Na nga hone tel, “Nahima,” i nahima. Ape na nga talo tel unauak, “Ailewa tetenen,” i aile.’ ”