Luk Meng solian ti Jises tataiai Luk 7:17 - Seimat

¹⁷ Meng ti sale puase Jises sawata hani hatexux Judia ma xux ti xohixohin kapin.

Luk Meng solian ti Jises tataiai Luk 7:17 Referans Kwoze

Luk Meng solian ti Jises tataiai Luk 7:14

Jises nahih soti teik patiu ti tel maten engeeng ape teka seilon kauan laha tu hamalum. Jises ukek, “Tel wawan uluha, xahatale!”

Mak Meng solian ti Jises tataiai Mak 6:14

*Herod tel masiwi ti Galili i hong ka axe Jises sawat hani tesol tesol. Hina seilon laha soh ukek Jon Baptis moih aliawen nake laha paxai ka Jises hina poh tenen seilon kum pon hasohotuan.

Mak Meng solian ti Jises tataiai Mak 1:28

Ape axe Jises i sawata leili Galili hatexux.

Matiu 9:31

Tuahe lalu nahih kaxi sawateni hani tesol tesol ti xux ien waliko ti Jises ailewen.

Matiu 9:26

Menge waliko ti i ailele i sawat kakalini hatesol xux ti ien.

Matiu 4:24

Menge waliko ti i ailele i sawat kakalini hatexux xux ti Siria. Ape teka seilon atoheni hani i hatesol teka tinun, teka hina moloan lalap, seilon teka *spirit lialun kapiti hahalialu, teka lawe laha put xexex ma teka laha kum nahih uke. Jises aile haewia laha.

Matiu 2:1

*Jises takah leili taon Betlehem ti Judia, lokon ti *Herod masiwi. Lokon ien, tesol seilon ti sai angiha tahia hani Jerusalem. Lato aneso mumuh ti kohot.

Luk Meng solian ti Jises tataiai Luk 4:14

Jises alia hani Galili hetekie xuhai pohe Holi Spirit. Meng ti sale Jises sawata hani lawe toan ma taon ti Galili.