Luk Meng solian ti Jises tataiai Luk 7:12 - Seimat

¹² Jises tahia hani aweingi tehu taon onoteni teka seilon kakau tel seilon maten ti tihinian. Tel seilon maten ien i telawe wanen nati tel hehin axoan matewen. Kilan seilon ti tehu taon ien kakahiti tel hehin.

Luk Meng solian ti Jises tataiai Luk 7:12 Referans Kwoze

Luk Meng solian ti Jises tataiai Luk 8:42

Natun telawe hehin ahangun huopanim huohu, i pate tinun sikole i mat. Ape Jises nahih kahiti Jairus. Kilan wanen seilon nahih pisipis kapin.

Jeims 1:27

Na tel i ngahati hasolia teka akaik tap taman tinan ma hehin ti axoan matewen ma i huali laha kaui kawatan ape i kum aile saun lialun hanowi teka laha tahi kakai Haeu, tel seilon ien salan wanen i lolotui Haeu. Ape tel Tamakako Haeu namiloi ukek i seilon tuah ma lotu tetan pate salan.

Aposel 9:41

Pita akeni mini tel hehin ape huali i hatuhian. I tiloi teka hehin axoalaha matewen ma teka kahikahi Jises liai ape i kola hani lato ka Tabita moih aliawen.

Aposel 9:39

Pita kahiti lalu. Ti i tahiawa, laha waxi i hani leili ing teke patul. Lawe hehin teteka axoalaha matewen laha apuha kalini Pita ape tang kokola puxux ma maia ti Tabita sawiti.

Jon Meng solian ti Jises tataiai Jon 11:19

Kilan seilon nahih paxai Mata ma Mary hasolialalu ti matei tel ukalalalu.

Luk Meng solian ti Jises tataiai Luk 8:52

Kilan seilon laha tang tatahane tel akaik. Jises ukek, “Kum tatangixi tel akaik, i tai mat, i tua mamatih.”

Luk Meng solian ti Jises tataiai Luk 7:11

Tai kue, Jises ma tesol kahikahin nahih hani tehu taon Nain ape kilan seilon kahitiwa lato.

Luk Meng solian ti Jises tataiai Luk 7:13

Ti Jises tel Masiwi paxaiwa tel hehin, i tahane hawane. Ape kakane i, “Kum tangitang.”