Luk Meng solian ti Jises tataiai Luk 6:6 - Seimat

⁶ Tehu ngain Sabat liai Jises nahih hani tehu *synagog ape i hanau teka seilon kakai Haeu. Ti ien tel seilon minan tepaun manau maten.

Luk Meng solian ti Jises tataiai Luk 6:6 Referans Kwoze

Jon Meng solian ti Jises tataiai Jon 5:3

Kilan wanen seilon tinun lawe laha engeeng tesol ien. Leilolaha teka pulaxa, teka laha nahih tawen ma teka tupualaha maten.

Luk Meng solian ti Jises tataiai Luk 4:31

Muhin ien Jises nahih hani Kapenaum, tehu taon leili Galili. Telao ngain Sabat i hanau teka seilon leili tehu synagog.

Luk Meng solian ti Jises tataiai Luk 4:16

Muhin ien Jises tahia hani Nasaret, tehu taon ti i lapale. Telao *Sabat i nahih hani tehu synagog hanowi ti lawe i ailele. I tule lehe i ridai kakai Haeu.

Matiu 4:23

Jises nahih hani tesol tesol ti Galili hahanau teka seilon leili *synagog, ing ti apuhai teka *Ju. I kakaxi meng solian ti Haeu neini seilon ape i aile hasolia teka hina nax tenen tenen.

Jon Meng solian ti Jises tataiai Jon 9:16

Tesol ti teka Parisi ukek, “Tel seilon Jises i kumahe wanen ti Haeu nake i xaputi nauna ti telao ngain Sabat.” Tuahe teka liai ukek, “Kumahe, nake tap tel seilon woun lialun i pon ailei waliko tenen lalap ti kui pohen masin ti tel seilon ien.” Kakaialaha i hatano wasolalaha.

Luk Meng solian ti Jises tataiai Luk 14:3

Jises kakane teka Parisi ma *teka hanaui nauna ti Moses ukek, “Ala amuto tioiwa ka *nauna ti Moses kum hahalini haewiai seilon telao Sabat.”

Luk Meng solian ti Jises tataiai Luk 13:10

Telao Sabat Jises hahanau teka seilon leili tehu *synagog.

Luk Meng solian ti Jises tataiai Luk 6:1

Telao ngain Sabat Jises nahih kokotiwa tesol kini kon hetekie tesol kahikahin. Ape tesol kahikahin asahi ani huai kon.

Luk Meng solian ti Jises tataiai Luk 6:5

Ape Jises tili kakaian, “Nga *tel Nati Seilon, nga se Masiwi ti Sabat. Nga tel sowini haniai seilon waliko tenen i pon ma na i kum pon laha aile telao ngain Sabat.”