Luk Meng solian ti Jises tataiai Luk 6:22 - Seimat

²² Haeu aile hasolia hani teteka seilon teka liai watakai hawane, kak saxuti laha ma hana laha kaliap nake laha kahikahik wanen.

Luk Meng solian ti Jises tataiai Luk 6:22 Referans Kwoze

Matiu 10:22

Kilan wanen seilon laha watakai hawane amuto nake huak, tuahe na amuto tu xox kahikahik atengi amuto mat, Haeu waxi auni amuto lian tehue.

1 Pita 3:14

Tuahe na amuto kau moloan ma kawatan nake ti ailei waliko tenen solian, amuamua. Tanusik amuto. Kum namiloi hahalapa na seilon liai hamatau amuto. Kum maamata teteka uke laha aile halialu amuto.

Jon Meng solian ti Jises tataiai Jon 16:2

Laha xaxaweni tamusuke amuto ti *synagog ape taun i luluainima ti teka seilon laha telei amuto laha namiloi ukek ka saun tenen ien i kola ka laha se unaui Haeu.

Jon Meng solian ti Jises tataiai Jon 7:7

Tap huan ti seilon watakai amuto tuahe laha watakai nga nake nga kaxi hatakei lialui woulaha.

Jon Meng solian ti Jises tataiai Jon 12:42

Kilan seilon laha soh ti Jises. Hina masiwi ti teka Ju tin lato soh tuahe lato mamata kolaian uke teka Parisi xaxaweni tamusuke lato ti *synagog.

Aposel 24:5

“Amite paxai tioi tel seilon ie i weli aile halialui wasole seilon. Lawe i hahika teka Ju tesol tesol ti hil pahoiai teka masiwi ti *Rom. I nanahike temat seilon laha axai Nasarin, teka kahikahi *Jises ti Nasaret.

Aposel 9:16

Ape nga hanau i ka liai i tunahi kawatan ma moloan nake i tel unauak.”

Jon Meng solian ti Jises tataiai Jon 17:14

Nga kakanewen lato kakaiam ape teka seilon laha kumahe tetam laha watakai hawane lato nake lato ape kumahe tuaulaha. Nga tin kumahe tuaulaha.

Luk Meng solian ti Jises tataiai Luk 21:17

Tesol tesol kilan seilon laha watakai amuto nake amuto kahikahik.

Matiu 10:39

Na tel seilon pahan kum is kahikahik nake pahan i akeni kongini totonan ti itan ie, i lioi totonan ti kapi Haeu. Tuahe na tel seilon i to kahikahik kalak na masin i lioi totonan ti itan ie, i waxi totonan ti kapi Haeu.

Aposel 22:22

Teka seilon laha hong atengi tataen Pol tili kakaian ka Jises talo i hani teka kumahe Ju. Ape laha ausini ukek, “Hatapo xaxaweniwa axan! Teleiwa i! Tapai ala telei kueiniwen i!”

Jon Meng solian ti Jises tataiai Jon 9:34

Lato kak lengeleng ukek, “Lilian ti o takahama o tel weli ailei saun lialun. O kumahe tel hanauamite!” Ape lato talo xaxaweni i ti synagog.

Luk Meng solian ti Jises tataiai Luk 20:15

Lato pohi towi xoini i hani melal ti tesol kin ape lato telei.” Ape Jises kamei teka laha hongohong tenen mengon, “Amuto namiloi ukek ia? Ti tel tame tesol kin aliawa, i aile waliko la hani teka ngahatiai kin?

Matiu 10:18

Nake amuto kahikahik, laha ati lungei amuto hani teka masiwi tenen tenen. Ape amuto kaxi *meng solian ti Haeu hani laha ma teka laha kum tioi i.

Luk Meng solian ti Jises tataiai Luk 6:21

Haeu aile hasolia hani teka pahalaha isian wanen usiai namilon. Laha pono ti lawe waliko. Haeu axi waliko solian hani teka laha toto ti tatahan. Haeu hasoli laha ape laha amuam ulea.

Jeims 1:12

Amuamua na amuto angiamat ti kaui kawatan ma totohong nake i kola hani Haeu ka namilomuto xoxoan tetan. Ape Haeu hatona amuto kapin lian tehue. Ien se kahi teka laha waheni i.