Luk Meng solian ti Jises tataiai Luk 6:12 - Seimat

¹² Lokon ien Jises nahih lotu hani he maunten ape i kakak kapi Haeu ti ipong hatehu.

Luk Meng solian ti Jises tataiai Luk 6:12 Referans Kwoze

Hibru 5:7

Lokon ti Jises toto he tehu pon ie, lawe i lotu hani Haeu. Ti lehe ape i kau kawatan lalap, i lotu eliel hani Haeu ti leili tangitangi ma kawate tian. I lotu eliel hani tetel i pon awaian ti tehu matemate. Nake ti Jises hong tamani kakai Haeu, Haeu hong waxi lotu tetan a i aile hapoponowi puki namilon.

Mak Meng solian ti Jises tataiai Mak 6:46

I kak tapeiniwa teka seilon ape i nahih hani patul he maunten. Ti ien i kakak kapi tel Taman Haeu.

Mak Meng solian ti Jises tataiai Mak 1:35

Pate letu ti teik tilokoan tutuen, Jises xahat nahih ahuta ti taon hani tesol ti tap seilon ape i kakak kapi tel Taman Haeu.

Kolosi 4:2

Lotu tatalewa, kum lotu lilioa. Hana hatapoa namilomuto haniwa lotu ma kak kemulik haniwa Haeu.

Matiu 6:6

Na masin amuto lotu, soh haniwa leili ing, keitiwa aweing ape lotu haniwa tel Tamamuto Haeu. Kalak amuto kum niningahi i, tel Tamamuto lawe i ningahi waliko likihan ti amuto ailele ape i kahui amuto.

Matiu 5:1

Jises ningahiwa mongohe teka seilon ape i nahih hani he maunten. Teka kahikahin nahih to apuha hani kapin.

Mak Meng solian ti Jises tataiai Mak 3:13

Imuh Jises han hani he tehu maunten ape i tiloi teka seilon lehe i kilami teteka ti pahan. Ape laha hatesol nahih hani kapin.

Luk Meng solian ti Jises tataiai Luk 5:16

Leili pupuasan hina ngain Jises nahih hani tesol mewenae i lehe i lotu.

Luk Meng solian ti Jises tataiai Luk 6:11

Teka hanaui nauna ti Moses ma teka Parisi lolaha manomano hawane ape laha he kakak alia puki laha sale aile halialui Jises.

Luk Meng solian ti Jises tataiai Luk 6:17

Muhin ti Jises ma teka kahikahin mos aliawa he maunten, i tu teke nahonahon ape teka kilai kahikahin ma kilai seilon liai tu kalini i. Teka seilon ien laha ti Judia, Jerusalem ma taon Taia ma Saidon xohixohin peixux.

Luk Meng solian ti Jises tataiai Luk 9:18

Ngain tehu Jises lolotu mewenae i ti i kapi tesol kahikahin. I lotu kewa ape i kamei lato, “Kaxi hanima nga, teka seilon laha ukek nga aita?”

Luk Meng solian ti Jises tataiai Luk 9:28

Muhi puasain tehu kewa, Jises hakahita tolu kahikahin Pita, Jeims ma Jon hani he tehu maunten patul lehe lato lotu.

Luk Meng solian ti Jises tataiai Luk 9:29

Ti Jises kakak kapi tel Taman Haeu, kawan sohia ma tehu puxuaun i xeu papaxaxu hawane.

Jon Meng solian ti Jises tataiai Jon 6:3

Jises ma tesol kahikahin nahih hani patul he tehu maunten kokol ape lato to hetekie.