Luk Meng solian ti Jises tataiai Luk 5:30 - Seimat

³⁰ Tuahe teka Parisi ma teka hanaui nauna ti Moses laha kahiloloi teka kahikahi Jises, laha ukek, “Kalahai amuto ang ma un akati *teka waxiai moni ti teka puki akikilaha ma teka woulaha lialun?”

Luk Meng solian ti Jises tataiai Luk 5:30 Referans Kwoze

Aposel 23:9

Lato tit tule ape leng ausisini hawane. Teka ti hanaui nauna ti Moses lato Parisi, lato kak eliel, “Amite tai upia tunahi tenen saun lialun na i ailewen. Sohin uke na spirit ma na engel kaakane i.”

Luk Meng solian ti Jises tataiai Luk 19:7

Ti teka seilon ningahiwa, laha kak mumum hui Jises ukek, “I to akakati tel seilon woun lialun.”

Luk Meng solian ti Jises tataiai Luk 5:21

Teka Parisi ma teka hanaui nauna ti Moses laha he kakak alia puki laha, “Kalahai i kak ukek? I kak hanowi i Haeu! Aita pon oxoxiakako ti kawatan ti saun lialun? Mewenae Haeu!”

Luk Meng solian ti Jises tataiai Luk 5:17

Ngain tehu ti Jises hahanau teka seilon, teka *Parisi ma *teka hanaui nauna ti Moses laha toto ien. Laha luama ti Jerusalem, Judia ma kilan toan ti Galili. Haeu tel Masiwi hapohea Jises ti haewiai teka tinun.

Mak Meng solian ti Jises tataiai Mak 7:3

Tesol *Parisi ma teka *Ju liai, laha kum ang na laha tai nuhi minalaha ti usiai saun ti teka matahaun.

Luk Meng solian ti Jises tataiai Luk 18:11

Tel Parisi tu ape i lotu ukek, ‘Haeu, nga kak kemulik hani o, nga kumahe masin teka seilon woulaha lialun kasini tel seilon tutu io. Nga malang pipis, nga kum ailele saun lialun ti wawan hehin ma lawe nga ailele saun solian.

Luk Meng solian ti Jises tataiai Luk 7:39

Ti Saimon ningahiwa, i kakane aliake i, “Tel seilon ie i liai kumahe tel kuluiai kakai Haeu nake i hani lioi tetel hehin soti tinun. Na i tioila ka tel hehin ien weli ailei saun lialun ala i hakonguen.”

Luk Meng solian ti Jises tataiai Luk 7:34

Ape ti nga *tel Nati Seilon sohotuma, nga ang ma un waen hanowi teka seilon liai ape amuto ukek, ‘Paxaiwa tel seilon ien! Puhuan wawan ma weli unum. I tin lohi teka seilon ti waxiai moni hani teka masiwi ti Rom ma lohi teka seilon woulaha lialun.’

Matiu 5:46

Haeu kum kahui hasolia amuto na masin amuto waheni mewenae teka laha waheni amuto. Kalak taen teka seilon waxiai moni hani teka masiwi ti *Rom, lato waheni mewenae teka laha waheni lato.

Matiu 9:11

Teka *Parisi paxaiwa ape laha kamei tesol kahikahin, “Kalahai Jises to ang kapi seilon tetenen?”

Mak Meng solian ti Jises tataiai Mak 2:16

Ti teteka *Parisi hanaui nauna ti Moses, ningahiwa Jises angiang kapi teka woulaha lialun, lato hone tesol kahikahin, “Kalahai i ang akati seilon tetenen?”

Mak Meng solian ti Jises tataiai Mak 9:16

Jises kamei tesol kahikahin, “Amuto kak hapatapat waliko la?”