Luk Meng solian ti Jises tataiai Luk 21:15 - Seimat

¹⁵ Puki nga hanamiloa amuto kakain sawisawin ti na amuto kak ape tap tel ti teka laha sului amuto pon kak ukek kakaiamuto kumahe salan.

Luk Meng solian ti Jises tataiai Luk 21:15 Referans Kwoze

Epesus 6:19

Ape tin lotu hualima nga lehe Haeu hani nga kakain tenen ti na nga kak taen nga kaxi matuke haxewai meng solian ti Jises Krais hani teka seilon. Ti imat laha tai xeu tenen meng ien.

Luk Meng solian ti Jises tataiai Luk 12:12

Pake tataen ien ape Holi Spirit hanamiloa amuto waliko tenen na amuto kak.”

Aposel 6:10

Tuahe laha kum xoini Stiven ti kakain nake i seilon tenen namilon xewan ape Holi Spirit hani i kakain solian.

Luk Meng solian ti Jises tataiai Luk 24:45

Ape Jises haxewa namilolato sale kakain ti leili pepai Haeu.

Jeims 1:5

Na tel ti amuto tap anesoan ti aweisali Haeu ma i kum tioi sale xoiniai totohong ma kawatan na i tunahi i, kameiwa Haeu, i kum kahilol. Lawe i amuam ti haniamuto.

Aposel 26:28

Agripa kamei Pol, “Nakon o sokok o sohi koseni uke nga hani tel kahikahi Jises?”

Aposel 24:25

I kaxi hani lalu ukek, “Mewenae na namilokaha xoxoan ti Jises, wasolakaha seilon ma Haeu i sawi. Haeu pahan kaha seilon tahiwa hatesol isiakaha tenen i aile halialu kaha. Ngain tehu Haeu hiniti hatesol seilon.” Feliks hongoa kakaian ape i mamata hawane. I ukek, “O nahimua. Nga po ilowi o na pahak.”

Aposel 2:4

Holi Spirit soh xuh hani leilolato ape lato hutui kakak kakai xux liai ti Holi Spirit hanesoa lato.

Luk Meng solian ti Jises tataiai Luk 21:16

Teka ti amuto puki tamamuto, tinamuto, ukalamuto, akikimuto ma lawamuto hangaini amuto. Ape teka ti amuto laha telei.