Luk Meng solian ti Jises tataiai Luk 20:26 - Seimat

²⁶ Aile ape lato kum tunah sale suluan. Lato ong sameni pahoan tetan ape lato mangong.

Luk Meng solian ti Jises tataiai Luk 20:26 Referans Kwoze

Luk Meng solian ti Jises tataiai Luk 20:20

Teka hanaui nauna ti Moses ma teka *masiwi ti hukuminiai Haeu ma seilon, lato pepeteni tutuen Jises. Lato talo hina seilon ti kamei tohongiai Jises lehe waxi i kak waliko tenen na i sului aliake i ape lato hana hani he mini Pailat tel ti teka masiwi ti Rom kiliwakei Judia.

Taitus 1:10

Nga kak ukek ie nake kilan seilon ien tale tehitolaha hani nauna tenen sawisawin. Lato hahanau seilon waliko tenen kumahe tuah ma tap pupuasan tuahe ti pulutialaha lehe laha soh kakaialato. Lato ukek ka hatesol kahikahi Jises puas usiwa saun ti teka *Ju ailei kikilam ti kotiai uli walikoulaha lehe i kola ka laha seilon ti Haeu.

Rom Teik pasi Pol hani teka kahikahi Jises Krais ti Rom 3:19

Taen ie ala amuto paxai tioi ka tap tel i sawisawin ti puli Haeu, kasinan kako teka Ju nake *Moses haniwen kako nauna ti Haeu ti usian. Aile ape kaha hatesol, teka Ju hetekie lawe seilon ti tehu pon ie kaha kum pon awaiakaha ti na Haeu tieni kaha ti saun lialun.

Luk Meng solian ti Jises tataiai Luk 13:17

Kakaian hahiena teka lato watakai hawane i. Tuahe teka seilon liai laha amumuke soliai puasain ti i ailewen.

Matiu 22:34

Ti tesol Parisi hongoa ka Jises kak hatahunosoen tesol Sadusi, lato apuha ape lato nahih hani kapin.

Matiu 22:22

Ti lato hongoa pahoan tetan, lato ong hawane ape lato nahih salili i.

Matiu 22:12

Ape i hone i, ‘Oie, o ala kumahe ie. O tap maia tenen ti angiain ti sala.’ Tuahe tel seilon kum tunah pahoan.

Matiu 8:10

Ti Jises hongoa, pate i ongake ape i hone teka seilon kakahiti i, “Nga kakane amuto, ti leili *Israel nga tai tutunah tel seilon i hina namil xoxoan tetak masin tel seilon ti Rom ie.

Luk Meng solian ti Jises tataiai Luk 11:54

Laha kak hahika i lehe i kak waliko tenen laha pon suluan.