Luk Meng solian ti Jises tataiai Luk 2:21 - Seimat

²¹ Muhi ngain tepanim huohu ti tel akaik takahawa, teka masiwi ti teka *Ju aile *teik kikilam ti kotiai uli walikoun ti kolakol ka i seilon ti Haeu. Ape Josep uliai i Jises, tetenen ax ti tel engel uliaiwen imat ti i pet.

Luk Meng solian ti Jises tataiai Luk 2:21 Referans Kwoze

Luk Meng solian ti Jises tataiai Luk 1:59

Muhi puasain tehu ti tel akaik takahawa, teka akikin apuha ti ailei *teik kikilam ti kotiai uli walikoi tel akaik ti kolakol ka i seilon ti Haeu. Pahalato uliai i Sakaraia masin axe tel taman.

Luk Meng solian ti Jises tataiai Luk 1:31

O hanatua tel akaik wawan. Na i takahawa, axaiwa axan Jises.

Pilipai 2:8

Ti i he tehu pon ie, i teheni hawane i ti hong usiai namili tel Taman Haeu hani taen ti matean he kros hanowi seilon tenen woun lialun.

Matiu 3:15

Jises hone i, “Tilimuen masin ie. Kalu tua aile usi waliko ti namili Haeu.” Ape Jon sowini.

Matiu 1:25

Tuahe Josep tai eng akati i hani tataen tel akaik takah. Ape Josep axai axan Jises.

Matiu 1:21

I hatakaha tel akaik wawan, o axaiwa axan Jises nake i awai seilon ti kawate saun lialun ti laha.”