Biblia Todo Logo
Bib sou entènèt

- Piblisite -




Luk Meng solian ti Jises tataiai Luk 2:14 - Seimat

14 “Haeu, tel tonan patul wanen, i pate tuah ma pate solian! I aile hasolia wasolakaha hani i ma wasole teka seilon i amumuke!”

Gade chapit la Kopi




Luk Meng solian ti Jises tataiai Luk 2:14
36 Referans Kwoze  

Haeu namiloi ukek kako ape sawisawin nake kako hina namil xoxoan ti *Jises Krais. Aile ape wasolakako hani kapi Haeu solian, usiwa waliko ti Jises Krais tel Masiwi ti kako ailewen.


Laha tilol ukek, “Kako sameniwa ma amukewa tel kahi nati *David, tel i nahih hehetekiema poh ma solian ti Haeu! Kako sameniwa Haeu tel pohen tapein, tel i hatona hasolia tiakako.” (Ps 118:25-26, 148:1)


Krais tetel Haeu hapuasa hasawiai lawe waliko hani i, hatesol waliko ti patul ma itan ie. Ti Krais mat he *kros i hasawi hatesol waliko ien.


Masin xewan ti i haxewa tilokoan, Krais kaxi waliko salan hani teka seilon laha leili tilokoan ti lialui woulaha. Ape i neini kako lehe wasolakako ma Haeu i sawi.” Tataen ie Sakaraia tili kakaian.


Ape nga hong lawe seilon ma manihuh ti tone Haeu, he tehu pon ie ma hahitakan hetekie ti itax, laha pak ukek, “Kako sameniwa lalape pohe tetel i toto he tehu totoan tuah hetekie tok sipsip uluha. Kako haxawawa axalalu lian tehue.”


Amuto tioi tenen meng solian ti Jises Haeu haniwen amite tesol seilon ti *Israel. Jises, Masiwi ti lawe seilon, i aile hasolia wasolakaha hani Haeu.


Nga kola haniwen teka seilon lalape pohem ma soliaiam ti nga aile hatapo puasain ti o hahani nga ailean.


Haeu tel Tamakako waheni hawane kako. I hakui kakapitini kako ma i haxoxo namilokako ti mon atengiai huhual tetan nake pate i aile hasolia hani kako.


Ape lawe seilon kaxi hei ka Jises Krais i tel Masiwi tapein. Ti laha aile ukek ien, se laha hahaxawa axe Haeu tel Taman.


Lokon ien Holi Spirit mos hani kapin hanowi tok pux. Ape tenen kinax wixima ti *tone Haeu i ukek, “O se Natuk pate nga waheni, nga amuke hawane o.”


Teka seilon nanahiwa mateiwaun ma teka nanahima muhin, hatesol tilol ausini eliliel ukek, “Kako sameniwa ma amukewa tel kahi nati *David, tel i nahih hehetekiema poh ma solian ti Haeu! Kako sameniwa Haeu tel pohen tapein!” (Ps 118:25-26, 148:1)


Haeu hapuasa Krais ailei waliko ti i pahan. Ape i kola hatakei hani kako namilon ti teka seilon kum tioi ti imat.


Aile ape kako kak sameniwa Haeu ti lalape soliaian i haniwen kako. I aile hasolia hawane hani kako nake ti puase Jises Krais tel pate i waheni, kumahe nake ti puasakako.


Puki Haeu pupuas leilomuto. I hanamiloa ma hapohea amuto ti ailei waliko tenen i amuke.


I aile ukek ien lehe teka seilon ti imuh laha paxai tioi lalape soliaian ti i aile kola hani kako usiwa puase Jises Krais.


Tuahe Haeu xuhai tatahan ma i waheni hawane kako.


“Kum hahakawata tiamuto ti tenen na waliko ma kum maamata. Nga tel hapaui namilomuto ma tiamuto. Ti nga aile ukek, namilomuto ma tiamuto heh hawane, kumahe masin ti seilon aile hahani amuto.


“Ti lalape wawahen ti Haeu hani hatesol seilon, i taloma telawe Natun lehe teka laha soh tetan laha kum selaia ti Haeu lian tehue. Laha uke non tonain tuah kapin ti tap tahi tapoan.


Tataen ien, kilan wanen engel ti Haeu take ulea hani kapi tel engel ien ape lato pak sameni Haeu ukek,


Ti teka engel alia haniwa *tone Haeu, tesol ngahatiai sipsip he kakak alia puki lato, “Kako nahih hani Betlehem lehe kako paxai waliko ti i sohotuen masin ti tel engel ti Haeu tel Masiwi kakanewen kako.”


Swiv nou:

Piblisite


Piblisite