Luk Meng solian ti Jises tataiai Luk 15:20 - Seimat

²⁰ “Ape salan, i nahih alia hani kapi tel taman. Tel taman ningahi i xauxaun tutuen ape lon tel hawane. I kiliwau amuam aka aumi tel natun ape i asoi taliopan.

Luk Meng solian ti Jises tataiai Luk 15:20 Referans Kwoze

Epesus 2:13

Ti imat amuto pate xauxaun ti Haeu, tuahe aope ie amuto sohotuen seilon ti Krais. Ti i mat kaui kawatan ti lialui woumuto, i haxohi amuto hani kapi Haeu.

Epesus 2:17

Ti Krais he tehu pon itan ie, i kakaxi *meng solian ti hasoliai wasole seilon ma Haeu. I kaxi hahani amuto teka kumahe Ju ma amite teka Ju.

Aposel 20:37

Lato akeni aumi Pol ape lato hatesol tang nake ape i salili lato.

Aposel 2:39

Haeu kakawen ka i hani amuto, natumuto ma tin hani teka seilon ti xux liai, hatesol teteka ti i kilamiwen.”

Luk Meng solian ti Jises tataiai Luk 15:19

Nga kumahe solian ti i tapai o namiloi ukek nga natum. Hapuasa nga hanowiwa tel ti teka unauam.” ’

Luk Meng solian ti Jises tataiai Luk 15:21

Tel natun ukek, ‘Tel tamak, nga ailewen saun lialun hani o ma Haeu. Nga kumahe solian ti i tapai o namiloi ukek nga natum.’