Luk Meng solian ti Jises tataiai Luk 13:3 - Seimat

³ Kumahe! Tuahe na amuto kum towiahu ti lialui woumuto hani Haeu, tin amuto mat ape wasolamuto ma Haeu kum sawi.

Luk Meng solian ti Jises tataiai Luk 13:3 Referans Kwoze

Aposel 3:19

Aile ape amuto lioiwa saun lialun. Towiahu haniwa Haeu lehe i oxoxi amuto ti kawatan ti lialui woumuto.

Matiu 3:2

I ukek, “Towiahua ti saun lialun ti amuto nake nenein ti Haeu i xohiwen!”

Luk Meng solian ti Jises tataiai Luk 13:5

Kumahe! Tuahe nga kakane ulei amuto, na amuto kum towiahu ti lialui woumuto, tin amuto mat ape wasolamuto ma Haeu tin i kum sawi.”

Matiu 12:45

I nahih waxi tepanim hua spirit lialun, pamu lialuan tetan ape lato soh hani leili tel seilon. Lato kapiti halialu akulai ti imat. Waliko ien tin i sohot hani teka seilon ti aope laha watakai hawane Haeu.”

Luk Meng solian ti Jises tataiai Luk 24:47

Hutui ti Jerusalem teka kahikahik sawateni *meng solian ti Haeu hahitake axak hani teka seilon ti lawe xux. Teka laha towiahu ti lialui woulaha, Haeu oxoxi laha ti kawatan ti saun lialun ti laha.

Matiu 22:7

Tel masiwi leng hawane. I talo tesol unauan ti hile teleiai teka seilon laha telei tesol unauan ape i hone lato luiai tehu taon ti laha.

Luk Meng solian ti Jises tataiai Luk 13:2

Jises kak ukek, “Kum namiloi ukekek ka sale matealato pate lialun masin nake woulato pamu lialuan ti teka seilon liai leili Galili.

Luk Meng solian ti Jises tataiai Luk 13:4

Ape tesol 18 seilon tehu ing lalap ti Siloam mahus telei lato, kum namiloi ukekek ka lato mat ukek ien nake woulato pamu lialuan ti teka seilon liai leili Jerusalem.