Luk Meng solian ti Jises tataiai Luk 12:57 - Seimat

⁵⁷ “Aile aluiniwa namilomuto ti waliko tenen Haeu paxai ukek sawisawin.

Luk Meng solian ti Jises tataiai Luk 12:57 Referans Kwoze

Jon Meng solian ti Jises tataiai Jon 7:24

Kum paxai kokolongeni saun ti seilon ti puki namilomuto, tuahe ti namili Haeu.”

1 Korin 11:14

I kum alune wanen na wawan hawelu ukun nake i hahiena aliake i.

Luk Meng solian ti Jises tataiai Luk 21:30

Ti kaun mak put, amuto tioi ka taun ti aupol angiha.

Matiu 21:32

Ti Jon Baptis kola hahani amuto aweisal sawisawin, amuto kum soh kakaian. Tuahe teka waxiai moni ma teka hehin ailei saun lialun, laha soh. Kalak amuto ningahi laha hong usi kakaian, amuto kum towiahu ti lialui woumuto hani Haeu ma amuto kum soh tetan.”

Aposel 2:40

Kilan kakain tuah Pita kakane laha ape i kak haxoxo ma hanamena kapitini laha i ukek, “Na amuto hong tamani kakaiak, amuto salia ti hukuma akatiai teka seilon lialun ti aope ie.”

Matiu 21:21

Jises ukek, “Nga kakane hawane amuto, na namilomuto xox hawane ti Haeu, tap kakapax, amuto pon ailei waliko masin ti nga aile haniwen tea pata ie. Kumahe mewenae tenen ien, tin amuto pon kakanei tehu maunten ie, ‘Hutawa tesol ien towia haniwa itax,’ ape i sohot ukek ien.

1 Korin 11:13

Puki amuto namiloi paxaiwa na masin ewi hehin lotu hani Haeu ti patun kumahe atuhan.