Luk Meng solian ti Jises tataiai Luk 1:3 - Seimat

³ Aile ape nga upia mataini menge Jises ti hutuan wanen ape nga namiloi ukek ka solian na tin nga tai haxewa hani o waliko ti i sohotuen.

Luk Meng solian ti Jises tataiai Luk 1:3 Referans Kwoze

Aposel 1:1

Tel masiwi Teopilus, leili teik pepa *Meng solian ti Jises nga kakaxi hatesol waliko ti Jises ailewen ma hanauen ti i hutui pupuasan, hani tataen ti Haeu waxi i hani kapin ti tesol tonan. Imat ti Haeu waxi i, Jises hani teka kahikahin kakain ti pohe Holi Spirit ti i talo lato ailei puasalato. Teteka kahikahin i kilamiwen *aposel tetan.

Aposel 26:25

Tuahe Pol pahoi ukek, “Tel masiwi tuah, nga kumahe taxitaxia. Kakaiak hina salangawan. Salan wanen waliko ti nga kakak.

Aposel 24:3

Amite paxai tesol waliko ien ape amite hatesol sameni o. Amite kak kemulik hawane hani o.

Aposel 23:26

“Kakaiak nga Klodius Lisias, hani o Feliks, tel masiwi tuah. Letu solian!

Aposel 11:4

Ape Pita hutui kaxi haxewa hatapo hani lato waliko ti i sohotuen.

Aposel 15:19

Ape Jeims kak tatale ukek, “Aile ape nga namiloi ukek kako kum aile hahakawata teka kumahe Ju, teteka laha towiahu ti lialui woulaha ape usi Haeu.

1 Korin 16:12

Nga to kakane hahakui Apolos ti lua paxaiamuto hetekie teka kahikahi Krais liai. Tuahe i tai namiloi na i lua hani kapimuto aope ie. Na i pon, i luawa.

1 Korin 7:40

Tuahe ti puki namilok, pamu i tunahi amuam na i kum sal ulea. Nga kak ukek nake nga soh ka nga tin hina *Holi Spirit ti Haeu kapitiai kakaiak.

Aposel 15:28

Holi Spirit hanamiloa amite ka amite kum axi papalahi kawatan hani amuto tuahe amuto aile usiwa tesol kakain ie.

Aposel 15:25

Aile ape amite hatesol kilami hina seilon lehe amite hakau hani kapimuto akatiwa Banabas ma Pol, huhua lohumite.

Luk Meng solian ti Jises tataiai Luk 1:1

Nga tua tai hahongo o tel masiwi Teopilus, kilan seilon laha tohongiwen taiai menge *Jises ti lawe waliko ti i sohotuen leilomite teka *kahikahi Jises.

Aposel 18:23

I to teik kukunun ien ape i lua hani huoxux xux Galasia ma Prigia. I kak hakui teka kahikahi Jises lehe laha puas usi tatale kakai Haeu.

1 Timoti 4:6

Timoti, na o hanau tesol nauna ien hani teka akikikako ti Jises Krais, o tel unaui Krais wanen, tetel i lap hetekiema kakain salan ti Haeu ma puas usi hatapoan.