Jon Meng solian ti Jises tataiai Jon 9:39 - Seimat

³⁹ Jises hone i ukek, “Nga lua hanima tehu pon ie paxai kolongeniai woi seilon. Nga luama haxewai namili teka laha kum xeu ningahiai lawe waliko salan sale Haeu. Ape teka seilon laha sokok hoi laha xewawen ti lawe waliko salan sale Haeu, laha masin teka pulaxa wanen.”

Jon Meng solian ti Jises tataiai Jon 9:39 Referans Kwoze

Jon Meng solian ti Jises tataiai Jon 3:19

Ie se huan ti Haeu axi kawatan hani seilon. Tetel masin xewai alon i tahiawen tehu pon itan ie tuahe seilon pamu laha waheni tilokoan ti xewan nake laha waheni ailei saun lialun.

Jon Meng solian ti Jises tataiai Jon 12:46

Nga lua hanima tehu pon ie masin xewai alon lehe hatesol seilon laha soh tetak laha kum to leili tilokoan ti saun lialun.

Aposel 26:18

O haxewai pulalaha waxi laha towiahu ti tilokoan hani xewan, ti pohe *Satan hani Haeu lehe Haeu oxoxi laha ti kawatan ti lialui woulaha. Ape laha selaia hani ailei puasan nake namilolaha xoxoan tetak.’

Jon Meng solian ti Jises tataiai Jon 8:12

Jises kakane ulei teka kilai seilon, “Nga masin xewai alon. Nga kola aweisal tenen sawisawin hani seilon. Tel na i sohot kahikahik, tap i po to ti tilokoan ailei saun lialun nake nga tel neinian lehe i to kapi Haeu lian tehue.”

1 Jon 2:11

Tuahe tel na i watakai seilon liai, i masin leili tilokoan. Lialui woun hapulaxa i. I masin seilon tenen i nanahih leili tilokoan ape i kum paxai uke aweisalun.

Luk Meng solian ti Jises tataiai Luk 4:18

“Spirit ti Haeu tel Masiwi i kapik nake i kilamiwen nga kaxi ahutiai *meng solian ti Haeu hani teka laha tae ti usiai aweisali Haeu. I taloma nga hetekie kakain ka nga ahutiai teka kalabus ma oxoxiai seilon ti kawatan ti lialui woulaha. Nga haewia teka pulaxa ma haxewa seilon ti sale aweisali Haeu. Nga awai seilon ti teka liai aile halialu laha.

Luk Meng solian ti Jises tataiai Luk 1:79

Masin xewan ti i haxewa tilokoan, Krais kaxi waliko salan hani teka seilon laha leili tilokoan ti lialui woulaha. Ape i neini kako lehe wasolakako ma Haeu i sawi.” Tataen ie Sakaraia tili kakaian.

1 Pita 2:9

Tuahe amuto kumahe masin teka seilon ien. Haeu kilamiwen amuto seilon tetan. Amuto seilon sawisawin ti ailei puase Haeu, amuto hana hatapo tupuamuto hani i tel Masiwi ti amuto. Amuto seilon ti Haeu lehe amuto kaxi ahuti hani teka seilon lalape solian tetan, tetel i neini ahuti amuto leili tilokoan ti saun lialun hani leili soliai xewaian.

Epesus 5:14

Aile ape ti he xewan lawe waliko i sohot kouke. Masin ti leili pepai Haeu i ukek, “Haiwa, teka masin ka amuto mamatih. Xahatawa, teka masin ka amuto maten ti woumuto lehe Krais i kapiti amuto ti he xewan.”

2 Korin 2:16

Ti teteka laha tale tehitolaha hani Haeu, tenen meng ien masin ka waliko tenen kohan poun pate lialun nake laha watakai hongoan. Ti teteka laha hong auni tenen meng ien, i masin ka poi waliko tenen pate solian nake laha hong soh ka laha to kapi Haeu lian tehue. A aita tapai hawane ti ailei tenen puasain ien?

Jon Meng solian ti Jises tataiai Jon 9:25

Ape tel seilon kak pahoi lato ukek, “Nga kum tioi na i woun lialun ma na kumahe. Tuahe nga tioi tetenen, kemuk nga pulaxa ape aope ie nga paxapax uke.”

Jon Meng solian ti Jises tataiai Jon 8:15

Amuto paxai kolongeni woi seilon ti puki namilomuto tuahe nga aile usiusi namili Haeu.

Jon Meng solian ti Jises tataiai Jon 3:17

Kumahe Haeu taloma tel Natun howiniai seilon ma axialaha kawatan ti lialui woulaha. Haeu taloma i awaiai seilon ti kawatan ti lialui woulaha.

Luk Meng solian ti Jises tataiai Luk 13:30

Ape teka seilon kemuk teka liai paxai ukek pate naun, tataen ien Haeu paxai ukek laha tuah. Ape teka seilon kemuk teka liai sameni laha, tataen ien Haeu paxai ukek laha pate naun.”

Luk Meng solian ti Jises tataiai Luk 7:21

Lokon ien Jises haewia kilan seilon laha hina nax tenen tenen, teka ti *spirit lialun kapiti hahalialu ma teka pulaxa.

Luk Meng solian ti Jises tataiai Luk 2:34

Ape Simeon kamei Haeu ti hanialalu soliaian. I hone Mary ukek, “Tel akaik ie Haeu kilamiwen, kilan seilon kum soh ka i Krais ape Haeu teheni ma paxai lioi laha. Ape kilan seilon liai laha soh ka i Krais ape Haeu namiloi ukek laha seilon tuah. Jises masin kolakol ti Haeu tuahe kilan seilon pahoxai i.

Matiu 11:5

Teka pulaxa, laha nahih hanima kapik ape laha paxapax, teka laha kum nanahih ape laha nahih uke, teka hina nax lialun he tinulaha, laha ewi, teka taxingalaha sutu ape laha hong uke kakain. Teka maten laha moih alia ape teka pahalaha wanen Haeu neini ma ngahati laha, laha hongohong meng solian ti Haeu.

Matiu 6:23

Tuahe na namilomuto lialun, amuto xuhai tilokoan ti saun lialun. Ien masin ka kamaiamuto i peh ape amuto leili lalape tilokoan.

2 Tesalonika 2:10

I aile waliko kilan ti pulutiai teteka seilon laha hoi kane tesol ti kaui kawatan ti tap tahi tapoan nake laha tahi kakain salan ti Haeu. Aile ape Jises Krais kum awai laha ti kawatan ti lialui woulaha.

Matiu 15:14

Aile ape maluhewa lato! Lato masin seilon tenen pulaxa neiniai teka pulaxa. Na masin tel pulaxa neini tel pulaxa liai, ati lalu put hani leili wal.”

Jon Meng solian ti Jises tataiai Jon 12:31

Aope ie teka seilon ti tehu pon ie laha tu ti sulusulu nake ti lialui woulaha. Tuahe taun ape i tahiawen ti nga waxaini xaxaweni *Satan tel i neini hahalialu laha.