Jon Meng solian ti Jises tataiai Jon 9:38 - Seimat

³⁸ Tel seilon ukek, “Tel Masiwi, nga soh hawane tetam.” I lokuha hani itan ape i lotui Jises.

Jon Meng solian ti Jises tataiai Jon 9:38 Referans Kwoze

Matiu 28:9

Ti he aweisal, Jises sohot hahutuia hani kapi lalu ape i ukek, “Amuam lalap haniwa amulu!” Lalu kiliwau lokuha akeni aen ape lalu lotui i.

Matiu 14:33

Tesol kahikahin he tea koap lokuha hani Jises. Lato ukek, “Salan wanen o tel Nati Haeu!”

Jon Meng solian ti Jises tataiai Jon 20:28

Tomas paxai tioiwa ape i kak eliel hawane, “O se Masiwi tetak ma Haeu tetak!”

Luk Meng solian ti Jises tataiai Luk 24:52

Ti Jises saliliwa tesol kahikahin, lato lokuha ape lotu sameni i. Muhin ape lato nahih alia hani Jerusalem hetekie lalape amuam.

Matiu 28:17

Ti lato ningahiwa i, lato lotui i tuahe teka ti lato kapaxe ka i Jises.

Matiu 8:2

Tel seilon hina nax lialun he tinun nahih hani kapin, i lokuha mateiwaun ape i ukek, “Tel Masiwi, na o waheni, xaxaweniwa naxe tinuk lehe nga hau alia.”

Jon Meng solian ti Jises tataiai Jon 9:39

Jises hone i ukek, “Nga lua hanima tehu pon ie paxai kolongeniai woi seilon. Nga luama haxewai namili teka laha kum xeu ningahiai lawe waliko salan sale Haeu. Ape teka seilon laha sokok hoi laha xewawen ti lawe waliko salan sale Haeu, laha masin teka pulaxa wanen.”