Jon Meng solian ti Jises tataiai Jon 4:53 - Seimat

⁵³ Ape tel tame tel akaik paxai tioi ka i sohot hawane lokon Jises kaakane i ka tel natun i ewi. Aile ape tel seilon ien ma hatesol seilon leili ingan laha soh hawane ti Jises.

Jon Meng solian ti Jises tataiai Jon 4:53 Referans Kwoze

Luk Meng solian ti Jises tataiai Luk 19:9

Jises kakane i ukek, “Aope ie Haeu oxoxi o ma teka leili ingam ti kawatan ti lialui woumuto nake o hina namil xoxoan hani Haeu masin *Abraham, tel tamakako ti matahaun.

Aposel 18:8

Krispus, tel ti teka masiwi ti tehu synagog, i sohot *kahikahi Jises hetekie hatesol seilon ti lohe ingan. Kilan seilon ti Korin tin laha hong soh meng solian ti Jises ape laha uke baptais.

Aposel 16:34

Muhin ien i ilowi Pol ma Sailas hani leili ingan ape i axi analalu. I ma hatesol seilon leili ingan lato amuam hawane nake aope namilolato xoxoan ti Haeu.

Aposel 11:14

I kaxi ahuti hani o *meng solian ti Jises. Na o ma hatesol seilon leili ingam hong soh kakaian, Jises awai amuto ti kawatan ti saun lialun ti amuto.’

Aposel 16:15

Muhin ti amite baptaisiwa i ma hatesol seilon leili ingan, i ilowi amite i ukek, “Na amuto ukek nga tel kahikahi Jises, amuto nahih to hanima leili ingak.” Ape salan amite to kapin.

Aposel 2:39

Haeu kakawen ka i hani amuto, natumuto ma tin hani teka seilon ti xux liai, hatesol teteka ti i kilamiwen.”

Matiu 8:13

Ape Jises hone tel masiwi ti teka seilon ti hile, “Nahih haniwa ingam. Nake o soh ka nga pon haewia tel unauam, i sohot.” Tataen ien wanen tel unauan ewi huluta.

Jon Meng solian ti Jises tataiai Jon 4:52

Ti i kameiwa lato lokon wanen tel natun ewi, lato ukek, “Tihah alohah sai 1 kilok, lul ti tel natum i tapo hahutuia.”

Jon Meng solian ti Jises tataiai Jon 4:51

Teka unaui tel seilon nahih upia hahongo i ukek, “Tel natum ape i ewiwen!”