Jon Meng solian ti Jises tataiai Jon 3:7 - Seimat

⁷ Aile ape kum ongaong ti nga hone o ka amuto hatesol takah uleawa.

Jon Meng solian ti Jises tataiai Jon 3:7 Referans Kwoze

Jon Meng solian ti Jises tataiai Jon 3:3

Jises hone i ukek, “Nga kakane o kakain salan, Haeu kum neini wanen seilon, mewenae na i takah ulea.”

Hahatakei Haeu 21:27

Hatesol waliko lialun se hahalin leili tehu taon ien. Tap tel ailei waliko tenen ti hahien ma puputa pon soh hani leilon, mewenae teteka seilon axalaha taian leili teik pepai tok sipsip uluha ti ukei *tonain kapi Haeu ti tap tahi tapoan.

1 Pita 1:22

Amuto ape haun ti lialui woumuto nake amuto hong usiusi kakain salan ti Haeu ma amuto hina wanen wawahen hani teka akikimuto ti Krais. Aile ape he wawahenawa ti leili atemuto.

Hibru 12:14

Haelieliwa ka wasolamuto kapi hatesol seilon lawe solian ma hani hatapoa Haeu tupuamuto nake tap tel po ningahi Haeu na i kum hani hatapo i tupuan.

Kolosi 1:12

Hetekiewa amuam amuto kak kemulik haniwa Haeu tel Tamakako. I aile ape amuto pon ukei waliko ti i kakanewen teka seilon tetan, teteka i neneini laha. Ape laha masin leili xewan.

Jon Meng solian ti Jises tataiai Jon 3:12

Amuto kum soh nga ti nga kakane amuto waliko ti tehu pon ie ape lehe amuto soh nga ukek ia na nga kakane amuto waliko ti *tone Haeu?

Jon Meng solian ti Jises tataiai Jon 5:28

“Kum ongaong waliko ti nga kakak nake taun i luluainima ti teka maten hong nga tiloi laha.

Jon Meng solian ti Jises tataiai Jon 3:6

Seilon hanatuale seilon tuahe mewenae Holi Spirit i pon towiahualaha hani nati Haeu.

Jon Meng solian ti Jises tataiai Jon 3:8

Aupol ah hani tesol tesol ti pahan. Seilon hong tangian tuahe i kum tioi tetesol ti aupol ahoma ma tetesol i ahua. Tin masin seilon kum xeu sale Holi Spirit ti i towiahu laha hani nati Haeu.”