Jon Meng solian ti Jises tataiai Jon 20:23 - Seimat

²³ Na amuto oxoxi teka seilon ti kawatan ti saun lialun ti laha aile hani amuto, Haeu tin i oxoxi laha ti kawatan ien. Na amuto kum oxoxi laha ti kawatan ti saun lialun ti laha, Haeu tin i kum oxoxi laha.”

Jon Meng solian ti Jises tataiai Jon 20:23 Referans Kwoze

Matiu 18:18

“Nga kakane hawane amuto tesol kahikahik, waliko tenen amuto halini ti itan ie, Haeu tin i halini. Waliko tenen amuto waheni seilon aile ti itan ie, Haeu tin i waheni.

Matiu 16:19

Nga hana o tel neiniai teka seilon hani Haeu lehe laha sohot kahikahik. Waliko tenen o halini ti itan ie, Haeu tin i halini. Waliko tenen o waheni teka kahikahik aile ti itan ie, Haeu tin i waheni.”

1 Timoti 1:20

Leilolaha Himeneus ma Aleksanda. Hauhua nga hani lioiwen *Satan lehe ti lalape kawatan ien lalu paxai tioi lialui woulalu ape lalu aile tapeini kak halialui Haeu.

Aposel 10:43

Hatesol *teka kuluiai kakai Haeu lato tai kaxiwen ka Haeu oxoxi teka seilon ti kawatan ti saun lialun ti pohe Jises, na namilolaha xoxoan tetan.”

Aposel 2:38

Pita pahoi laha ukek, “Towiahua ti saun lialun ti amuto lehe amite baptaisi amuto hahitake axe Jises Krais. Ape Haeu oxoxi amuto ti kawatan ti saun lialun ti amuto ape i hani amuto Holi Spirit.

1 Korin 5:4

Taun ti na amuto apuha hahitake axe *Jises tel Masiwi ti kako hetekie kui pohen, nga tin masin ka kapimuto ma pahak amuto aile kewak ie.

Epesus 2:20

Kako teka kahikahi Jises Krais, kako masin tehu ing hahatuhiai teka *aposel ma *teka kuluiai kakai Haeu. Tehu kuku pate tuah se puki alia Jises Krais.

Jon Meng solian ti Jises tataiai Jon 20:22

Muhin ien i uhui aupolun hani lato ape i ukek, “Amuto kewa *Holi Spirit.