Jon Meng solian ti Jises tataiai Jon 19:41 - Seimat

⁴¹ Tetesol laha tahi hahakea Jises xohixohin kapi tesol kin. Leili tesol kin ien tehu amal haun, tenen laha tanomi he pot patul ti hepekeun. Laha tai hahana tupui seilon maten ien.

Jon Meng solian ti Jises tataiai Jon 19:41 Referans Kwoze

Luk Meng solian ti Jises tataiai Luk 23:53

Ti Pailat sowini haniwa i, Josep ma teka hualian hamosu tupui Jises ape lato puxui talini i teik maia weluwelun. Muhin lato hana i hani leili amal tenen laha tanomi he pot patul ti hepekeun. Tehu amal ien laha tai hahana tupui seilon.

Matiu 27:60

I hana tupui Jises hani leili tehu amal, kemuk teka unauan tanomi he pot patul ti hepekeun. Muhin i hulini tehu pot lalap tiehiai tewau wal ti tesol amal ape i nahih.

Jon Meng solian ti Jises tataiai Jon 20:15

Jises kamei i, “O tatangike la? O paxai upiup aita?” Mary sokok i tel seilon ti lawe i pupuas leili tesol kin ien. I ukek, “Tel masiwi, na o waxi ahutiwen tupui Jises, kaxi hanima nga tesol ti o hahana i lehe nga waxi auni.”

Jon Meng solian ti Jises tataiai Jon 19:42

Lalu hana Jises ien nake tehu amal xohixohin a ngain tetehu ien se ti apesenialaha ti Sabat.