Jon Meng solian ti Jises tataiai Jon 19:11 - Seimat

¹¹ Ape Jises ukek, “Na Haeu tai sowini hani o, o kum pon ailean. Aile ape tel seilon i hana nga hani he minam, i aile saun pamu lialuan ti o aile.”

Jon Meng solian ti Jises tataiai Jon 19:11 Referans Kwoze

Rom Teik pasi Pol hani teka kahikahi Jises Krais ti Rom 13:1

Amuto teka kahikahi Krais, tanoa lomuto hani teka masiwi ti nahikei xux nake na Haeu tai sowini, ala laha tai uke tesol tonain ien. Lawe masiwi laha uke tonain ien usiwa namili Haeu.

Jon Meng solian ti Jises tataiai Jon 3:27

Jon pahoi lato ukek, “Kum nanamiloi. Tap tel i tua aile puase Haeu halik na Haeu kilami i ailean.

Aposel 2:23

Tetel seilon ien, Haeu kak kilamiwen ka amuto hangaini hani teka seilon lialun ape laha telei. Laha tahi hakea i hani he *kros.

Aposel 3:13

Haeu ti *Abraham, Aisak, *Jekop ma teka matahaun ti kako, i hanawen tel unauan Jises seilon pate tuah, tetel amuto hangaini hani teka masiwi ti *Rom. Pate amuto watakai i kalak Pailat ailewen namil ti oxoxian.

Jon Meng solian ti Jises tataiai Jon 7:30

Ti teka masiwi ti teka Ju hongoa, laha tohongi xotiai Jises tuahe tap tel aka pohiwen i nake i tai meiwa taun tetan.

Jeims 1:17

Haeu pate sawisawin wanen, aile ape hatesol waliko solian wanen i ahuma tetan. Haeu tel i tanomi lawe waliko xewan he maun. Hatesol xewan ien i sohisohia tuahe Haeu i kum sosohia.

Matiu 6:13

O kum hahani amite totohong ailan lehe amite kum aile saun lialun. Ape awaiwa amite ti *Satan ma teka *spirit lialun tetan.’

Jeims 4:17

Na tel seilon i kum aile saun tenen i tioi ka sawisawin tin i ailewen saun lialun.

Rom Teik pasi Pol hani teka kahikahi Jises Krais ti Rom 11:36

Ien se pate salan nake i tetel tanomiai lawe waliko ape i hamalumini kapitini laha lehe lawe waliko ien i kola lalape axan. Kaha haxawawa Haeu lian tehue. *Salan wanen.

Aposel 4:28

Ape waliko ti o namiloiwen i sohot, laha apuha hetekie ailean.

Matiu 27:2

Lato hone teka unaualato xinotian ape laha ati i hani kapi Pailat, tel ti teka masiwi ti *Rom.

Mak Meng solian ti Jises tataiai Mak 14:44

Judas hani peleiwen laha tenen kolakol, i ukek, “Seilon tel na nga asoi taliopan se tetel ien. Pohi hakahitawa ma peteniwa.”

Jon Meng solian ti Jises tataiai Jon 18:3

Ape Judas nahih hani tetesol kin. Kahitiwa i tesol seilon ti hile ti *Rom, tesol unaui teka masiwi tuah ti hukuminiai Haeu ma seilon ma tesol unaui teka *Parisi. Laha kakau paulaha, lul ma kamaialaha liai.

Jon Meng solian ti Jises tataiai Jon 9:41

Jises pahoi laha ukek, “Na masin amuto pulaxa wanen, tap tel i tieniwen amuto. Tuahe nake amuto sokok amuto xewawen ti lawe waliko salan sale Haeu, amuto puluti aliliake amuto ape lialui saun ti amuto tutuen.”

Luk Meng solian ti Jises tataiai Luk 22:53

Lawe ngain nga hahanau teka seilon leili Ingi Haeu a amuto tai xoti nga. Tuahe ie taun ti Haeu haniwen amuto xotiak. Teik taun kukunun Haeu sowini hani Satan neini amuto aile halialuak.”

Matiu 26:65

Ti Kaiapas hongoa, i leng lexi tehu puxuaun ape i ukek, “Kako kum ngah ulea seilon suluian. Amuto hongoen i ukek i tel Nati Haeu.

Jon Meng solian ti Jises tataiai Jon 18:13

Imat laha hakahita i hani kapi Anas, tel wawan ihai Kaiapas. Kaiapas i masiwi tapein ti hukuminiai Haeu ma seilon ti ahang tehu ien.

Jon Meng solian ti Jises tataiai Jon 19:10

Pailat hone i, “Nake lahan o kum wix pahoi nga? O tioi kewak, i pon na nga oxoxi o ma na tahi hakea o.”