Jon Meng solian ti Jises tataiai Jon 18:35 - Seimat

³⁵ Pailat pahoi ukek, “Kumahe namilok. Nga kumahe tel Ju. Puki teka akikim ma teka masiwi tuah ti hukuminiai Haeu ma seilon laha hana o hani he minak. Waliko la tenen lialun o ailewen?”

Jon Meng solian ti Jises tataiai Jon 18:35 Referans Kwoze

Aposel 23:29

Nga tunahi ka tesol Ju sului Pol ti xaputiai nauna ti lato teka Ju. Sulusulu ti lato i kum pon xotian ma teleian.

Aposel 21:38

Nga sokok o tel seilon ti *Igip, tetel i neini teka seilon hil pahoiai teka Rom ape i hakahita 4,000 seilon tuaun hani lohong tesol ti laha toto.”

Aposel 3:13

Haeu ti *Abraham, Aisak, *Jekop ma teka matahaun ti kako, i hanawen tel unauan Jises seilon pate tuah, tetel amuto hangaini hani teka masiwi ti *Rom. Pate amuto watakai i kalak Pailat ailewen namil ti oxoxian.

Jon Meng solian ti Jises tataiai Jon 19:11

Ape Jises ukek, “Na Haeu tai sowini hani o, o kum pon ailean. Aile ape tel seilon i hana nga hani he minam, i aile saun pamu lialuan ti o aile.”

Jon Meng solian ti Jises tataiai Jon 19:6

Teka masiwi tuah ti hukuminiai Haeu ma seilon ma teka peteniai *Ingi Haeu paxaiwa Jises ape lato leng ausisini, “Tahi hakea i haniwa he *kros!” Tuahe Pailat ukek, “Puki amuto tahi hakeawa i. Nga tai upia tunah waliko tenen lialun i ailewen.”

Jon Meng solian ti Jises tataiai Jon 18:28

Ti pate uli letu, laha hakahita Jises ti ingi Kaiapas hani tehu ingi Pailat, tel ti teka masiwi ti Rom. Tuahe hahalin ti teka Ju soh hani tehu ing ien nake se ingi *teka kumahe Ju. Na laha soh, laha kum pon aniai an ti *Pasova nake laha ape lolo.

Jon Meng solian ti Jises tataiai Jon 18:34

Jises ukek, “Nakon o kakamei nga ti puki namilom ka teka liai kaxi hani o nga?”

Jon Meng solian ti Jises tataiai Jon 18:36

Jises ukek, “Na masin nga masiwi ti tuahe namili seilon, hoi teka unauak hil awaiwen nga ti mini teka Ju masiwi ti amite. Tuahe kumahe puki seilon hana nga masiwi.”