Jon Meng solian ti Jises tataiai Jon 16:7 - Seimat

⁷ Nga kakane hawane amuto, ti solian ti amuto pamu ewi nga salili amuto nake na nga kum alia hani kapi tel Tamak, Holi Spirit tel hakuiamuto i kum tahia hani kapimuto. Tuahe na nga salili amuto, muhin nga talo i hanima kapimuto.

Jon Meng solian ti Jises tataiai Jon 16:7 Referans Kwoze

Jon Meng solian ti Jises tataiai Jon 14:26

Tuahe Holi Spirit tel hakuiamuto, tetel tel Tamak taloma ti hahitake axak, i hanau amuto lawe waliko ma i hanamena amuto hatesol waliko ti nga kaxi haniwen amuto.

Jon Meng solian ti Jises tataiai Jon 15:26

“Taen ti *Holi Spirit tel hakuiamuto tahiama, tetel i ahuma ti Haeu ma i kak hatakei lawe waliko salan sale Haeu, i kaxi haxewa nga hani amuto.

Rom Teik pasi Pol hani teka kahikahi Jises Krais ti Rom 8:28

Ape kako tioi ka lawe waliko ti i sosohot, Haeu hatano solian ti teka laha waheni i. Teteka ien Haeu kilamiwen puas usiai namilon.

Aposel 2:33

Haeu hana Jises hani minan tepaun manau ti neiniai seilon ape hani i Holi Spirit masin ti i kakawen i aile. Tin i hahani kako Holi Spirit ape waliko ti amuto niningahi ma hongohong aope ie se pupuase Holi Spirit.

Jon Meng solian ti Jises tataiai Jon 7:39

Kakai Jises ti i kakak ien i kakaxi sale *Holi Spirit, tetel Haeu hani teka laha soh ti Jises. Hanima tataen, Haeu tai axi Holi Spirit hani teka *kahikahi Jises nake Haeu tai kola hatakei hatesol pohe Jises.

Luk Meng solian ti Jises tataiai Luk 24:49

“Ape nga hani amuto *Holi Spirit masin ti tel Tamak Haeu kakawen. Amuto tiliwen Jerusalem atengi taen Holi Spirit haniwa amuto poh ti ailei puasak ma ti kapitiamuto.”

Aposel 10:34

Pita hutui kakaian ukek, “Aope ie nga paxai tioi ka Haeu kum aile nenexi seilon.

Jon Meng solian ti Jises tataiai Jon 14:28

Nga kakanewen amuto ka nga salili amuto tuahe nga aliama. Na salan amuto waheni nga, ala amuto amuam ti nga alia hani kapi tel Tamak tetel pamu tuah tetak.

Jon Meng solian ti Jises tataiai Jon 14:3

Na nga apeseni kewa nga aliama waxi amuto lehe amuto to kapik tetesol ti nga toto.

Luk Meng solian ti Jises tataiai Luk 9:27

Nga kaxi hawane hani amuto, teka ti amuto ie, imat ti amuto mat amuto ningahi Haeu i neini seilon.”

Luk Meng solian ti Jises tataiai Luk 4:25

“Salan lokon ti *Elaija tel kuluiai kakai Haeu, kilan hehin ti *Israel axoalaha matewen, pahalaha huhual nake tap akah leili ahang toluhu tewaok ape seilon lialu hahawane ti hitolo leili xux hatexux.

2 Korin 4:17

Tesol kawatan aope i tutunahi amite, i kum hamalum haweluwelu. I waliko kokol na seilon kolongeni hani lalape soliai Haeu ti i hani kako lian tehue.

Jon Meng solian ti Jises tataiai Jon 16:8

Ape na i tahiama i sehatuhini hani teka seilon ka laha ailele saun lialun. Tin i kak haxewa sale aweisal ti laha sohot seilon sawisawin ti Haeu ma sale Haeu axi kawatan ti lialui woulaha na laha kum towiahu ti saun ien ape usi i.