Jon Meng solian ti Jises tataiai Jon 12:20 - Seimat

²⁰ Tesol ti teka *Grik tin lato nahih lotu hani Jerusalem ti tehu apuhain lalap ti Pasova.

Jon Meng solian ti Jises tataiai Jon 12:20 Referans Kwoze

Jon Meng solian ti Jises tataiai Jon 7:35

Teka masiwi ti teka Ju he kakak alia laha, “Kaie i nahih kelak lehe kako kum pon tunahian? Nakon i nanamiloi na i nahih salili xuxukako hani kapi teka akikikako Ju kakaialaha *Grik? Sohin uke pahan i hanau teka Grik.

Aposel 17:4

Teka ti tesol Ju lato soh kakai Pol ape lato sohot *kahikahi Jises. Ape kilan teka *Grik laha lolotui Haeu ma teka hehin axalaha lalap tin laha sohot kahikahi Jises.

Aposel 8:27

Ape salan i nahih. Ti i nanahiwa i apatuini tel seilon ti Itiopia, tel masiwi ti ngahatiai lawe soxi ti tel masiwi hehin ti Itiopia axan Kandis. Tel seilon ien heheisama lotuiai Haeu leili Jerusalem ape i aliliama.

Mak Meng solian ti Jises tataiai Mak 7:26

Tel hehin ien i kumahe Ju, i hehin Grik, i takah Penisia taon ti Siria. Pahan wanen Jises xaxaweniwa spirit lialun ti leili tel natun.

Galasia 2:3

Saka lato hong waheni kakaiak. Kalak Taitus, tetel kapik i tel *Grik, lato tai hone lungei i ailei *teik kikilam ti kotiai uli walikoun usiai saun ti teka *Ju.

Aposel 21:28

Ape laha tilol, “Seilon ti *Israel! Hualima amite xotian! Tel seilon ie i tel ti lawe i nahih tapai tesol tesol hahanau seilon watakaiai seilon ti Israel ma nauna ti Moses hetekie tehu Ingi Haeu ie. Ape tin i hakahita teka seilon kumahe Ju hani Ingi Haeu ape aile haloloa.”

Aposel 20:21

Nga hahanau teka Ju ma *teka kumahe Ju tenenawe ti nga kakane laha ka laha towiahua ti lialui woulaha ape usiwa Haeu ma sohoa ti Jises tel Masiwi.

Aposel 16:1

Pol ma Sailas lua hani tehu taon Derbe ape imuh hani tehu taon Listra. Ti ien tel kahikahi *Jises axan Timoti. Tel tinan i tin tel *kahikahi Jises, i akiki teka *Ju. Tuahe tel taman i akiki teka *Grik.

Aposel 14:1

Ti Ikonium Pol ma Banabas nahih hani tehu *synagog. Lalu kakak hetekie pohe Haeu, aile ape kilan teka *Ju ma *teka kumahe Ju laha hong soh *meng solian ti Jises.

Kolosi 3:11

Aile ape teka laha sohot kahikahi Krais, tap tel i pamu tuah ti liai tel. Tel *Ju i aile usi saun ti kikilam ti kotiai uli walikoun i kumahe pamu tuah ti tel kumahe Ju, tetel i kum usi saun tenen ien. Tel unaui seilon i kumahe pamu naun ti tel i kumahe unaui seilon ape tel seilon kaliap i tin kumahe pamu naun ti tel seilon pono. Na amuto kahikahi Krais, tap liai tenen na amuto akiki xux liai ma na kumahe. Waliko tenen pamu tuah se Krais ape i pupuas leili hatesol seilon tetan.

Galasia 3:28

Nake ti xoxoi namilokako ti Krais, kako pakata hawane hahitake Krais, kako masin ka seilon telawe. Aile ape tap tel i pamu tuah ti liai tel, Ju ma na kumahe Ju, wawan ma na hehin, unaui seilon ma na kumahe.

Rom Teik pasi Pol hani teka kahikahi Jises Krais ti Rom 10:12

Tenen ien i puas leili teka Ju ma *teka kumahe Ju. Laha hatesol, Masiwi ti laha telawe Jises Krais, tetel i aile hasolia hawane hani hatesol teka na laha kamei i huhual.

Rom Teik pasi Pol hani teka kahikahi Jises Krais ti Rom 1:16

I kum hahiena nga kaxiai meng solian ti Jises Krais nake taen seilon hong soh, ti kui pohe Haeu i awai laha hatesol ti kawatan ti lialui woulaha. I awaimu teka *Ju nake laha hongoi imat ape imuh teka kumahe Ju.

Jon Meng solian ti Jises tataiai Jon 12:1

Ngain tepanim tehu imat ti *Pasova, Jises nahih hani Betani, tesol tone Lasarus, tetel Jises hamoiha aliake ti matean.

Jon Meng solian ti Jises tataiai Jon 12:19

Teka *Parisi kakak alia puki lato, “Amuto ningahi kako kum waxaini wanen. Paxaiwa, hatesol seilon nahih kakahiti i ma hongohong kakaian.”