Jon Meng solian ti Jises tataiai Jon 12:13 - Seimat

¹³ Laha koti kai hatoh ape nahih titilol tengenian, “Kako haxawawa axe Haeu. Kako sameniwa ma amukewa tel i nahih hehetekiema poh ma solian ti Haeu! (Ps 118:25-26) Kako sameniwa ma amukewa tel Masiwi tapein ti *Israel!”

Jon Meng solian ti Jises tataiai Jon 12:13 Referans Kwoze

Hahatakei Haeu 15:3

Ape lato papakui tenen paki Moses tel unaui Haeu ma tok sipsip uluha i ukek, “Tel Masiwi Haeu tel pohen tapein, soliai lalape pupuasam. Tel Masiwi ti hatesol seilon, woum, kakaiam ma pupuasam lawe sawisawin ma salan.

Hahatakei Haeu 7:9

Muhin nga ningahi teka kilai seilon mongohualaha kaha kum pon wexean. Laha ti lawe xux, nenex tehu tehu ma kakaialaha tenen tenen. Laha tutu mateiwai tetel Masiwi i toto he tehu totoan tuah ma totok *sipsip uluha kapin. Puxuaulaha papaxaxun a weluwelun ma laha akekeni kai hatoh.

Jon Meng solian ti Jises tataiai Jon 1:49

Nataniel ausinike hawane, “Tel masiwi, o tel Nati Haeu! O se masiwi tapein ti Israel!”

Matiu 23:39

Nga kakane amuto, amuto kum ningahi ulea nga atengi tataen amuto ukek, ‘Kako amukewa tel i nahih hehetekiema poh ma solian ti Haeu.’ ” (Ps 118:26)

Jon Meng solian ti Jises tataiai Jon 19:15

Laha tilol pahoi Pailat, “Teleiwa i! Teleiwa i! Tahi hakea i haniwa he kros! Pailat kamei lato, “Kaie pahamuto nga telei tel masiwi tapein ti amuto?” Teka masiwi tuah ti hukuminiai Haeu ma seilon pahoiwa, “Masiwi ti amite mewenae Sisa.”

Hahatakei Haeu 19:16

He tehu puxuaun ma he kasope aen tenen taian ukek: Tel Masiwi ti lawe masiwi. Tel Masiwi tapein neiniai lawe masiwi.

Jon Meng solian ti Jises tataiai Jon 12:15

“Teka seilon ti Israel, kum maamata. Paxaiwa, tel Masiwi ti amuto i luluainima, i toto patul he tok donki uluha.” (Zech 9:9)

Matiu 27:42

“I huali seilon liai tuahe i kum pon huali aliakean! Nakon i tel masiwi tapein ti teka Israel? Na masin i mos ti he teik kros aope, kako soh tetan!

Jon Meng solian ti Jises tataiai Jon 12:14

Jises waxi tok donki uluha, i to he tehiton ape tok donki tau kakau i, masin ti pepai Haeu kakawen ukek,